ပြည်တွင်း ဖုန်းနံပါတ်ဖြင့် ဂျီမေးလ် အကောင့် လုပ်နည်း

Simon Rau | 2:23 PM | Google | News

ဂျီမေးလ် အကောင့်အသစ် ပြုလုပ်လိုသူများ အနေဖြင့် မိမိတို့၏ ကိုယ်ပိုင် ဖုန်းနံပါတ်များကို အသုံးပြုကာ အီးမေးလ် အကောင့် သစ်များ ပြုလုပ်နိုင် ပြီဖြစ်ကြောင်း သတင်း ရရှိသည်။

Google က ယင်း၏ Gmail Account သစ်ကို ပြုလုပ်သည့်အခါ မြန်မာပြည်တွင်းမှ ဖုန်းနံပါတ်များဖြင့် Code နံပါတ် အတည်ပြုခြင်းကို ခွင့်ပြုလိုက်ခြင်း ဖြစ်သည်။
ယခင်က ပြည်တွင်းမှ အင်တာနက် အသုံးပြုသူများအနေဖြင့် Google ၏ ဂျီမေးလ် အကောင့်သစ်များကို ပြုလုပ်လိုပါက ကိုယ်ပိုင်ဖုန်းနံပါတ် (ပြည်တွင်းကုတ် နံပါတ်) များဖြင့် မပြုလုပ်နိုင်သဖြင့် ပြည်ပနိုင်ငံများတွင် နေထိုင်သည့် မိတ်ဆွေများ၏ ဖုန်းနံပါတ်များဖြင့်သာ ပြုလုပ်ပြီး Gmail Account သစ်များကို ရယူနိုင်ခဲ့ကြသည်။

“အခုလိုမျိုး ဂူဂဲလ်က လုပ်ပေးတော့ ဒီနိုင်ငံရဲ့ ပြည်တွင်းဆက်သွယ်ရေး စနစ်ကို အသိအမှတ်ပြုလာတာ ဖြစ်နိုင်တယ်။

အရင်ကလို ဂျီမေးလ်အကောင့်သစ် လုပ်ချင်ရင် နိုင်ငံခြားက အသိမိတ်ဆွေတွေကို အကူအညီ လှမ်းတောင်းရတဲ့ အခက်အခဲတွေနဲ့တော့ ကင်းဝေးသွားပြီပေါ့” ဟု ပုဂ္ဂလိက နည်းပညာ ကုမ္ပဏီ တစ်ခုတွင် လုပ်ကိုင်နေသည့် သက်လတ်ပိုင်း အမျိုးသားဝန်ထမ်းတစ်ဦးက ဆိုသည်။

 ထိုကဲ့သို့ ဂျီမေးလ် အကောင့် အသစ် ပြုလုပ် သူများအနေဖြင့် ပြည်တွင်းဖုန်းနံပါတ်များကို အသုံးပြုရာတွင် Google မှ ပြုလုပ်သူ၏ ဖုန်းနံပါတ်သို့ Audio Message စနစ်ဖြင့် ပြန်လည်ပေးပို့မည်ဖြစ်ပြီး ယင်းနောက်တွင် အီးမေးလ်အကောင့်သစ်ကို အသုံးပြုနိုင်မည် ဖြစ်သည်ဟု Google ၏ အဆိုပါဝန်ဆောင်မှုက စမ်းသပ်ပြုခဲ့ကြသည့် ရန်ကုန်မြို့တွင်း နေထိုင်သော အင်တာနက် ကျွမ်းကျင်သူများထံမှ သိရသည်။

From:7Day News Journal By:ယုဇနကိုကို
http://www.simon-vlog.com/2012/04/blog-post_2040.html#.UIODWGcxPho

ပြည်တွင်းဖုန်းနံပါတ်ဖြင့် ဂျီမေးလ် အကောင့်လုပ်နိုင်ပြီ

ပြည်တွင်းဖုန်းနံပါတ်ဖြင့် ဂျီမေးလ် အကောင့်လုပ်နိုင်ပြီ

ယုဇနကိုကို

ရန်ကုန်၊ မတ်-၂၀

အတွဲ (၁၁)၊ အမှတ်(၄)

ဂျီမေးလ်အကောင့် အသစ်ပြုလုပ်လိုသူများအနေဖြင့် မိမိတို့၏ ကိုယ်ပိုင်ဖုန်းနံပါတ်များကို အသုံးပြုကာ အီးမေးလ်အကောင့်သစ်များပြုလုပ်နိုင်ပြီဖြစ်ကြောင်းသတင်းရရှိသည်။
Google ကယင်း၏   Gmail Account  သစ်ကို ပြုလုပ်သည့်အ ခါ မြန်မာပြည်တွင်းမှ ဖုန်းနံပါတ် များဖြင့်   Code   နံပါတ်အတည်ပြု ခြင်းကို ခွင့်ပြုလိုက်ခြင်းဖြစ်သည်။
ယခင်က ပြည်တွင်းမှ အင်တာနက်အသုံးပြုသူများအနေဖြင့် Google ၏ ဂျီမေးလ် အကောင့်သစ်များကို ပြုလုပ်လိုပါက ကိုယ်ပိုင်ဖုန်းနံပါတ် (ပြည်တွင်းကုတ်နံပါတ်)များဖြင့် မပြုလုပ်နိုင်သဖြင့် ပြည်ပနိုင်ငံများတွင်နေထိုင်သည့် မိတ်ဆွေများ၏ ဖုန်းနံပါတ်များဖြင့်သာပြုလုပ်ပြီး   Gmail Account   သစ်များကို ရယူနိုင်ခဲ့ကြသည်။
“အခုလိုမျိုး ဂူဂဲလ်ကလုပ်ပေးတော့ ဒီနိုင်ငံရဲ့ ပြည်တွင်းဆက်သွယ်ရေးစနစ်ကို အသိအ မှတ်ပြုလာတာဖြစ်နိုင်တယ်။ အရင်ကလို ဂျီမေးလ်အကောင့်သစ်လုပ်ချင်ရင် နိုင်ငံခြားက အသိ မိတ်ဆွေတွေကို အကူအညီလှမ်းတောင်းရတဲ့ အခက်အခဲတွေနဲ့တော့ ကင်းဝေးသွားပြီပေါ့” ဟု ပုဂ္ဂလိကနည်းပညာကုမ္ပဏီတစ်ခု တွင် လုပ်ကိုင်နေသည့် သက် လတ်ပိုင်း အမျိုးသားဝန်ထမ်းတစ် ဦးကဆိုသည်။
ထိုကဲ့သို့ ဂျီမေးလ်အကောင့် အသစ် ပြုလုပ်သူများအနေဖြင့် ပြည်တွင်းဖုန်းနံပါတ်များကို အသုံး
ပြုရာတွင်   Google   မှ   ပြုလုပ်သူ၏ ဖုန်းနံပါတ်သို့  Audio Message စနစ်ဖြင့် ပြန်လည်ပေးပို့မည်ဖြစ် ပြီး ယင်းနောက်တွင် အီးမေးလ်အကောင့်သစ်ကို အသုံးပြုနိုင် မည်ဖြစ်သည်ဟု Google ၏ အဆို
ပါဝန်ဆောင်မှုကို စမ်းသပ်ပြုခဲ့ ကြသည့် ရန်ကုန်မြို့တွင်း  နေထိုင်သော အင်တာနက်ကျွမ်းကျင်သူ များထံမှသိရသည်။
http://7daynewsjournal.com/article/

ကုမာရီ (သက်ရှိနတ်ဖုရား)

• Posted by ကိုအာကာ on စက်တင်ဘာ 1, 2012 at 3:45pm

          အနီရဲရဲဝတ်စုံနဲ့ ထိုင်ခုံလက်ရန်းရဲ့ ဘေးတစ်ဖက်တစ်ချက်မှာက ၀ဇျာယာနအဆောင်အယောင် တောင်ဝှေးပါ။ နဖူးမှာကတော့ တတိယမျက်လုံးပုံကို ဆေးနီနဲ့ ခြယ်မှုန်းထားပါတယ်။ သူဟာ နီပေါနိုင်ငံရဲ့ သက်ရှိနတ်ဖုရား ကုမာရီပါပဲ။ အဲဒီတတိယမျက်လုံးကြောင့်လဲ ကုမာရီရဲ့ အသွင်ဟာ ပိုပြီး ခန့်ငြားသွားလေသလား မသိပါဘူး။ နီပေါမှာက မျက်လုံးသင်္ကေတဟာ ဘုရားပါပဲ။ ဗုဒ္ဓဘာသာ စေတီတွေမှာဆိုရင် မြန်မာနိုင်ငံမှာတော့ ဆင်းတုတော်တွေဟာ မပါမဖြစ်ပါ။ နီပေါနိုင်ငံမှာတော့ စေတီမှန်ရင် မျက်လုံးဟာ မပါမဖြစ်ပါ။ ဘုရားရှင်ဟာ အားလုံးကို သိတော်မူ မြင်တော်မူတယ်ဆိုတဲ့ အဓိပ္ပာယ်နဲ့ မျက်လုံးနဲ့ ကိုယ်စားပြုပါတယ်။ အဲဒီလိုပါပဲ။ လေးစားထိုက် ကိုးကွယ်ထိုက်တဲ့အရာတွေကိုလဲ မျက်လုံးသင်္ကေတကို သုံးလာကြတာဖြစ်ပါတယ်။
          နီပေါနိုင်ငံရဲ့ မြို့တော် ကတ္တမန္ဒူး Valley အတွင်းမှာ အေဒီ ၁၃၀၀ လောက်ကတည်းက ယနေ့တိုင် အစဉ်အလာမပျက် ယုံကြည်ကိုးကွယ်ကြတာ တစ်ခု ရှိပါတယ်။ အဲဒါက ကုမာရီပါပဲ။ သူ့ကို သက်ရှိနတ်ဖုရားအဖြစ်နဲ့လဲ တင်စားကြပါတယ်။ ဘယ်သူတွေ ကိုးကွယ်ကြသလဲဆိုတော့ ဗုဒ္ဓဘာသာဝင်တွေနဲ့ ဟိန္ဒူဘာသာဝင်တွေ ကိုးကွယ်ကြတာပါ။ တိုင်းပြည်ရဲ့ အချုပ်အခြာဖြစ်တဲ့ ဘုရင်ကိုယ်တိုင်ကကို ကုမာရီကို လေးစားရပါတယ်။
          ကုမာရီရွေးချယ်ဖို့အတွက်ကတော့ နိုင်ငံတွင်းက လူမျိုးစုတွေ အများကြီးရှိတဲ့အထဲမှာမှ ``နေ၀ါရီလူမျိုးနဲ့ သကျလူမျိုး´´အတွင်းကပဲ ရွေးချယ်ရပါတယ်။ အဲဒီလူမျိုးစုထဲမှာ ကုမာရီဖြစ်ထိုက်တဲ့ အင်္ဂါရပ်နဲ့ ပြည့်စုံတဲ့ ၃-နှစ်၊ ၄-နှစ်အရွယ် ကလေးတွေကို ရှာရပါတယ်။ အဲဒီကလေးတွေဟာ သာမန်ကလေးတွေနဲ့ မတူတဲ့ အရည်အချင်းမျိုး ရှိမရှိ သူတို့ စမ်းသပ်ကြပါတယ်။ စမ်းသပ်ပုံက ရှေးဟောင်းအိမ်အိုကြီးတစ်ခုထဲမှာ ကျွဲခေါင်း၊ ဆိတ်ခေါင်း စတာတွေကို ရာနဲ့ချီပြီး သွေးစိမ်းရှင်ရှင်နဲ့ ထည့်ထားပါတယ်။ ညဘက်ရောက်တဲ့အခါ အဲဒီအိမ်ကြီးထဲမှာ ကလေးကို တစ်ယောက်ထဲ ထားပါတယ်။ လန့်ငိုတာ ကြောက်တဲ့ရုပ်ပေါ်တာမျိုးရှိရင် ကုမာရီအဖြစ် မသတ်မှတ်ပါဘူး။ မတုန်လှုပ်တဲ့ ကလေးကိုပဲ ကုမာရီအဖြစ် သတ်မှတ်ပါတယ်။

          ကုမာရီအဖြစ် သတ်မှတ်ပြီးရင် ကုမာရီနေဖို့အတွက် သီးသန့်အိမ်တစ်အိမ်ရှိပါတယ်။ အဲဒီအဆောက်အအုံမှာ အခြွေအရံဆိုဆို အဖော်ပဲ ပြောပြော ရွယ်တူ မိန်းကလေးနှစ်ယောက် ထားပေးပါတယ်။ ဝေယျာဝစ္စလုပ်ဖို့အတွက်လဲ အလုပ်သမား ထားပေးပါတယ်။ အရင်က ကုမာရီတွေဟာ စာမသင်ရပေမယ့် အခုအခါမှာတော့ သူ့အတွက် သီးသန့် စာသင်ဖို့ စီစဉ်ပေးထားတာ သိရပါတယ်။ ထူးခြားချက်ကတော့ တကယ့်ကလေးလေးပင် ဖြစ်သော်လည်း ကုမာရီအဆင်အပြင် အဆောင်အယောင်တွေနဲ့ ပြင်ဆင်ပေးလိုက်တဲ့အခါ အဲဒီကလေးရဲ့ သွင်ပြင် သွားဟန် လာဟန် ပြောတဲ့စကားတွေဟာ ပုံမှန်အတိုင်း မဟုတ်တော့တာကိုတော့ သတိထားမိပါတယ်။
          ရွေးချယ်ခံကုမာရီဟာ တစ်နှစ်တစ်ကြိမ် ကုမာရီလှည်းနဲ့ မြို့တွင်းမှာ လှည့်လည် အပူဇော်ခံလေ့ရှိပါတယ်။ အဲဒီအခါမျိုးတွေမှာ လူတွေ တိုးမပေါက်နိုင်အောင် ကြက်ပျံမကျ စည်ကားလွန်းလှပါတယ်။ ဒါကို ကြည့်ခြင်းအားဖြင့် သူတို့ရဲ့ ရှေးဟောင်းယုံကြည်မှုအပေါ် ဘယ်လောက်ထိ စွဲလန်းနေတယ်ဆိုတာကိုလဲ အကဲဖြတ်နိုင်ပါတယ်။ အဲဒီလို ပွဲလမ်းမရှိတဲ့အခါမျိုးတွေမှာတော့ ကုမာရီရဲ့ရှေ့ကို ဘုရင်နဲ့ မိဖုရားကသာ အလွယ်တကူ ၀င်နိုင်ထွက်နိုင်ပါတယ်။ ဘုရင်လက်ထက်ကဆိုလျှင် မိဖုရားဟာ ကုမာရီဆီကို မကြာခဏ၀င်ထွက် ခစားပါတယ်။ ကုမာရီပြောတဲ့ စကားတွေကို သေသေချာချာ မှတ်သားပြီး ပြောတဲ့အတိုင်း ဆောင်ရွက်လေ့ ရှိပါတယ်။ အခြားသူများကတော့ ၀င်ချင်တိုင်းဝင် တွေ့ချင်တိုင်းတွေ့လို့ မရပါဘူး။ တွေ့ချင်မြင်ချင်သူများအတွက်တော့ ကုမာရီဟာ သူနေတဲ့ အဆောက်အအုံရဲ့ သုံးထပ်မြောက်ရဲ့ အလယ်ပြတင်းပေါက်ကနေ တစ်မိနစ်ခန့် ထိုင်ပြပါတယ်။ အဲဒါကို မြင်ရဖို့အတွက်လဲ အိမ်ရှေ့ မြေပေါ်ကနေ စိတ်ရှည်လက်ရှည် စောင့်ဆိုင်းနေရတဲ့လူတွေလဲ မနည်းလှပါဘူး။
          မကြာသေးသောနှစ်များက နီပေါနန်းတွင်း လုပ်ကြံမှုတစ်ခု ဖြစ်ခဲ့ပါတယ်။ ဘုရင်မိသားစု တစ်စုလုံးကို နန်းတွင်းမှာပဲ မသမာသူတစ်စုက သေနတ်နဲ့ လိုက်လံ ပစ်သတ်တာ ဖြစ်ပါတယ်။ ထွက်ပြေးတဲ့မိသားစုဝင်တွေကိုပါ သတ်တာဖြစ်ပါတယ်။ ကျန်တာဆိုလို့ ဘုရင့်သားကြီးပဲ ကျန်ပါတယ်။ ဘုရင့်ညီ မိသားစုတစ်စုလုံး ကျန်ပါတယ်။ အဲဒီလို ပစ်သတ်တဲ့ တရားခံဟာ နီပေါဘုရင်ရဲ့ သားကြီးကိုယ်တိုင် ဖြစ်တယ်လို့ တရားဝင် သတင်းထုတ်ပြန်ပေမယ့် အဲဒီမင်းသားဟာလဲ နောက်ဆုံးမှာ အသတ်ခံရပါတယ်။ သတင်းအမျိုးမျိုးအရ သူ့ကိုယ်သူ သတ်သေတယ်လို့လဲ ပြောကြပါတယ်။ အသတ်ခံရတယ်လို့လဲ ပြောကြပါတယ်။ သို့သော် နီပေါနိုင်ငံအတွင်းမှာ အဲဒီအကြောင်းကို ဘယ်သူမှ ကျယ်ကျယ်မပြောရဲတာကတော့ ထူးခြားချက်တစ်ခုပါပဲ။
          ဒီအဖြစ်အပျက် ဖြစ်ပြီး ``ဘုရင့်သားက ဘုရင့်ကို ပြန်သတ်တယ်´´လို့ တရားဝင် သတင်းထုတ်ပြန်လိုက်တဲ့အခါ အသက် ငါးနှစ်အရွယ်လောက်ရှိနေပြီဖြစ်တဲ့ ကုမာရီလေးဟာ လုံးဝ ငြင်းဆန်ခဲ့ပါတယ်။ ဣနြေ္ဒပျက်လောက်အောင်ကို ငြင်းဆန်ခဲ့ပါတယ်။ ကစားမယ် စားမယ်ဆိုတာလောက်ပဲ စိတ်ဝင်စားတတ်တဲ့ ဒီအရွယ်လေးဟာ ဘယ်သူကမှ မမေးပါဘဲ ``သားက အဖေကို မသတ်ဘူး၊ သားကအဖေကို မသတ်ဘူး´´ဆိုတာပဲ ၇-ရက်လောက် ပြောဆိုနေခဲ့ပါတယ်တဲ့။ ဒါကတော့ ဒေသခံတွေဆီက ပြန်သိရတဲ့ ကုမာရီရဲ့ ထူးခြားချက်လေး တစ်ခုပါပဲ။

          ကတ္တမန္ဒူး valley အတွင်းမှာ နယ်မြေအလိုက် ကုမာရီလေးဦး ထားပါတယ်။ အဓိကပင်မကုမာရီကတော့ ကတ္တမန္ဒူးကုမာရီပါပဲ။ ပါဒံကုမာရီစတာတွေက နိုင်ငံတော် အသိအမှတ်ပြုမဟုတ်ပါဘူး။ နိုင်ငံတော်အသိအမှတ်ပြုက တစ်ယောက်ပဲ ထားပါတယ်။ ကုမာရီတစ်ယောက်ရဲ့ သက်တမ်းဟာ တကယ်တော့ သိပ်ကိုတိုတောင်းလွန်းလှပါတယ်။ အလွန်ဆုံးကြာ လေးငါးနှစ်လောက်ပဲ ဖြစ်မယ်ထင်ပါတယ်။
          ဘာကြောင့်လဲဆိုတော့ ကုမာရီတစ်ယောက်ဟာ လမ်းလျှောက်ရင်း ခလုတ်တိုက်မိသွားလျှင်လဲ ကုမာရီအဖြစ် ဆက်လက်မကိုးကွယ်တော့ပါဘူး။ သွားကျိုးသွားလျှင်လဲ မကိုးကွယ်တော့ပါဘူး။ အပျိုဖြစ်လာလို့ အမျိုးသမီးဓမ္မတာ လာတဲ့အခါမှာလဲ ကုမာရီအဖြစ် မကိုးကွယ်တော့ပါဘူး။ အဲဒီအခါမှာ နောက်ထပ် ကုမာရီအသစ် ပြန်ရှာ ပြန်ရွေး ပြန်ခန့်ရပါတယ်။

ဟနုမန် သို့မဟုတ် ရာဇ၀င်ထဲက အာဇာနည်မျောက်

• Posted by ကိုအာကာ on စက်တင်ဘာ 6, 2012 at 3:18pm

          ရှေးအခါက မြန်မာမင်း၏ စစ်မှုထမ်းများသည် ဓားရိုးများတွင် မျောက်ရုပ်ကို ဆင်စွယ် ကျွဲချို အရိုးများတွင် ထွင်းထု၍ တပ်ဆင်လေ့ ရှိကြပါသည်။ ယင်းသို့ တပ်ဆင်ခြင်းအကြောင်းကို ရှာဖွေလေ့လာကြည့်ရာ ရာမာယန၏ သြဇာလွှမ်းမိုးမှုကြောင့် ဖြစ်ကြောင်း သိလိုက်ရပါသည်။ ထိုအကြောင်းကို ကျွန်တော်လေ့လာမိသမျှ ကြိုးစား၍ တင်ပြပါမည်။ သဘောထားမတိုက်ဆိုင်ပါက သည်းခံကြပါကုန်။
          နီပေါနိုင်ငံတွင် ဗိဿျှနူး၊ သျှီဝ၊ ဂန်နေ့ခ်ျ(မဟာပိန္နဲ)၊ ရာမ၊ ဟနုမန်၊ ဆီတာ(သီတာ) စသည်ဖြင့် ကိုးကွယ်သည့် ဘုရားပေါင်း နတ်ပေါင်း မြောက်များစွာ ရှိသည့်အနက် ဟနုမန်လည်း အပါအ၀င် ဖြစ်ပါသည်။ နီပေါနိုင်ငံ၊ လုမ္ဗိနီဒေသတွင် ဂေါတမဘုရားအလောင်းတော် ဖွားမြင်တော်မူရုံသာမက အရှေ့တောင်အာရှတွင် ထင်ထင်ရှားရှား လူကြိုက်များလှသော ရာမာယနထဲမှ ရာမ၊ လက္ခဏ၊ သီတာတို့သည်လည်း နီပေါနိုင်ငံ ဟိမ၀န္တာအနီးတွင် ဖွားမြင်ခဲ့သည်ဟု နီပေါသားတို့ ယုံကြည်ယူဆကြပါသည်။ ထို့ကြောင့်လည်း နီပေါနိုင်ငံ၏ အဓိကကိုးကွယ်မှုအရာတွင် သူတို့သည် ဘုရားနှင့်အပြိုင် ယနေ့တိုင် နေရာယူနိုင်ဆဲဖြစ်နေသည်ကို တွေ့ရပါသည်။
          ဟနုမန်ဆိုလျှင် မြန်မာတိုင်းလိုလို သိဖူးကြ ကြားဖူးကြပါသည်။ ဟာနုမန်ဟုလည်း သိကြပါသည်။ ဟနုမန်နှင့်အတူ သီတာ ရာမ လက္ခဏတို့ကိုပါ သတိရကြမည် ထင်ပါသည်။ သီတာဒေ၀ီကို ဒဿဂီရိဘီလူးက သိန်းဃိုပြည် (သီဟိုဠ်ကျွန်း)သို့ ခိုးယူသွားသည့်အခါ ဟနုမန်၏အစွမ်းဖြင့် ပြန်လည်ကယ်တင်သည့်အကြောင်း အိပ်ယာဝင်ပုံပြင်အဖြစ်လည်း နားဆင်ခဲ့ကြရမည် ထင်ပါသည်။ ဟနုမန်သည် မြန်မာတို့၏ အိပ်ယာဝင်ပုံပြင်များထဲမှ မျောက်သူရဲကောင်းတစ်ကောင်ပင် ဖြစ်ပါသည်။ နီပေါနိုင်ငံရှိ ဟိန္ဒူဘာသာဝင်တို့ ယုံကြည်ကြသော ဟနုမန်အကြောင်းကား ဤသို့တည်း။
          မန္နတ်အမည်ရှိသော နတ်တစ်ပါး သေလွန်သော် မျောက်မတစ်ကောင်၏၀မ်းတွင် ပဋိသန္ဓေ စွဲတည်နေပါသည်။ ထိုပဋိသန္ဓေမှ ပေါက်ဖွားလာသော မျောက်ကား ဟနုမန်ပင် ဖြစ်ပါသည်။ ရှေးနတ်သားဘ၀က မန်ဟူသော အမည်နှင့် မျောက် = ဟနု ဤအမည်နှစ်ရပ်ကို ပေါင်းစပ်၍ ဟနုမန်ဟုခေါ်ကြောင်း မှတ်သားရပါသည်။ သူ၏အပြုအမူ လုပ်ဆောင်ချက်များကို လိုက်၍ ``အာဂျာနေယ၊ ဘဂျရန်၊ ဘာလီ၊ အက်ရှတိုတရန်၊ မဟာဝေရယ´´ စသည်ဖြင့် အမည်ပေါင်း ၁၀၈-မျိုးရှိပါသည်။
          ဤမျောက်၏ အရပ်အမောင်းမှာ ၁၃-မိုင်ခွဲ ရှိပြီး လျင်မြန်ပေါ့ပါးခြင်းနှင့်လည်း ပြည့်စုံသည့်အတွက် တခဏအတွင်းမှာပင် ကောင်းကင်ဆိုင်လျှင် အာကာဘုံဖျားတိုင် ခုန်ပျံနိုင်ကာ ရေပြင်တွင်လည်း မိုင် ၃၀၀-မျှ အပြောကျယ်သည့် ပင်လယ်ရေပြင်ကိုပါ ကျော်ဖြတ်နိုင်စွမ်း ရှိပေသည်။ ခန္ဓာကိုယ်ကိုလည်း သာမန်မျောက်တို့၏ ကိုယ်နေကိုယ်ထား အချိုးအစားအတိုင်း ကျုံ့ယူပြောင်းလဲနိုင်စွမ်း ရှိပါသည်။ မည်သည့်တောင်ကို မဆို အစိပ်စိပ်ကွဲသည်အထိ ချေနိုင်ပြီး တစ်နေရာမှ တစ်နေရာသို့လည်း ရွှေ့ပစ်နိုင်ပါသည်။ ဟနုမန်၏ ထာဝစဉ်မသေမပျောက်ဘဲ နေနိုင်သည့် အစွမ်းသတ္တိကို ရာမမင်းမှတပါး မည်သူမျှ ချေဖျက်နိုင်စွမ်း မရှိပေ။
          ဟနုမန်သည် လူစကားကိုလည်း နားလည်သည်။ ပြန်လည်း ပြောနိုင်ပါသည်။ တစ်နေ့တွင် နေကိုပင် သစ်သီးထင်ပြီး စားချင်ဇောနှင့် ခူးဆွတ်မိသည်ဟု ဆို၏။ ဤမျှရဲတင်းသည့်အတွက် နေနတ်မင်းက ဒေါသထွက်ကာ ဟနုမန်အား စွမ်းအားများမရှိတော့သည့် သာမန်မျောက်ဘ၀သို့ ပြောင်းလဲပစ်လိုက်၏။ သူ့ကို ရာမမင်းလာ၍ မကယ်မချင်း ဤအတိုင်းဖြစ်နေစေရန် ကျိန်ဆိုထားလိုက်၏။ ထို့ကြောင့် သူ၏ မူလတန်ခိုးများပြန်လည်ရရှိရန်မှာ သူ၏ကျောကို ရာမမင်းက သုံးကြိမ်သပ်မှ ပြန်လည်ရနိုင်တော့မည် ဖြစ်ပါသည်။
          ရာမမင်းသည် အင်အားကြီးရန်သူများနှင့် စစ်ပြိုင်လု ဆဲဆဲတွင် ဟနုမန်ကို ရှာရာ ဟနုမန်အပေါ် နေနတ်မင်း၏ ကျိန်စာနှင့်ဟောကိန်းကို သိလျှင်ချက်ချင်းဆင့်ခေါ်၍ ကျောကို သုံးကြိမ်သပ်ပေးလိုက်၏။ ထိုအခါ ဟနုမန်လည်း ယခင်အချိုးအစားအတိုင်း ပြန်လည်ကြီးထွားလာပြီး စွမ်းအားများလည်း ပြန်လည်ရရှိလေတော့သည်။ ရာမမင်းသည် ဘီလူးတို့နှင့် ခင်းသည့် စစ်ပွဲတွင် ဟနုမန်ကို ခက်ခဲသည့်နေရာ ကြမ်းတမ်းသည့်နေရာများတွင် အသုံးပြုကာ ဘီလူးတို့လက်မှ သီတာဒေ၀ီကို ပြန်လည်ကယ်တင်နိုင်ခဲ့လေသည်။
          ဤအဖြစ်အပျက်ကို ယုံကြည်စွာဖြင့် မြန်မာမင်းများလက်ထက်အခါက မင်းမှုထမ်းများသည် ကျွဲချို၊ ဆင်စွယ်နှင့် အခြားအရိုးများတွင် ဟနုမန်အရုပ်ကို ထုလုပ်ပြီး ဓားလက်ကိုင်ရိုးတွင် တပ်ဆင်ကြခြင်း ဖြစ်သည်။ ဤအဆောင်ဖြင့် မည်သည့် အခက်အခဲ အဟန့်အတားကိုမဆို ကျော်လွန်နိုင်ရုံမက ရန်သူများ၏ လက်နက်ကိုပင် ခုခံတွန်းလှန်နိုင်စွမ်း ရှိသည်ဟု ယုံကြည်ကာ သုံးစွဲကြခြင်း ဖြစ်တော့သည်။
          ယဉ်ကျေးမှုတို့သည် တစ်နေရာနှင့် တစ်နေရာ စီးမျော၍နေကြရာ ဗုဒ္ဓဘာသာ အယူအဆ၊ ယုံကြည်ချက်များတွင် မပါဝင်ခဲ့သော်လည်း ဟနုမန်သည် မြန်မာသူရဲကောင်းတို့၏ စိတ်နှလုံးဝယ် သူရဲကောင်းအဖြစ် နေရာယူခဲ့သည်မှာကား ထင်ရှားလှပါတော့သည်။
မှတ်ချက် - ရိုးရာယဉ်ကျေးမှုတစ်ရပ်အဖြစ် တင်ပြခြင်းသာ ဖြစ်ပါသည်။ ကျွန်တော်ကိုယ်တိုင်၏ ယုံကြည်ချက် ထင်မြင်ချက်များ တစ်ခုမျှမပါဝင်ပါကြောင်း။

လှေသဘင်ပွဲတော် တူယှဉ်နွဲပျော်

• Posted by ကိုဆန်းစုနိုင် on စက်တင်ဘာ 19, 2012 at 7:50pm

တော်သလင်း
သစ်ဆင်းရယ်တဲ့ လမာသာ၊
မြစ်လုံးငယ် ဆူညံလို့၊
လှော်တက်သံ လှေပြိုင်ပွဲငယ်၊
နွှဲပျော်ကြရှာ။
ယုန်ရထား အိမ် သီတလမှာတဲ့၊
ပုဏ္ဏဒိန် ကြည်ကြည်ပ ပါလို့၊
မည်ဘဒြ ကြယ်ပြုဗ္ဗါ၊
ယှဉ်လာ၍ ပြည့်ဝန်း၊
ဒွါဒရာ၊
ငှက်ဗျိုင်း တာရာနှင့်၊
ရွှေယင်းမာ ငုံပွင့်ကင်းကြတယ်၊
သင်းတဲ့ သည်ပန်း။

          မဟာဂီတ ဦးပြုံးချိုရဲ့ တော်သလင်းလဖွဲ့ ကဗျာလေးပါ။ တော်သလင်းလကို ရှေးအခါက သစ်ဆင်းလလို့ ခေါ်ကြပါတယ်။ အထက်အညာဒေသကနေပြီး သစ်ဖောင်တွေကို စုန်မျှောကြတဲ့လအဖြစ် လည်းကောင်း၊ မိုးတွင်းကာလ တောင်ပေါ်တောမြိုင်များ၌ ခိုအောင်းနေကြကုန်သော သစ်သတ္တဝါများ မြေနိမ့်လွင်ပြင်များဆီသို့ ပြောင်းရွှေ့ဆင်းသက်၍လာကြသော လအခါဖြစ်၍ လည်းကောင်း၊ မြစ်ကမ်းဘေးရှိ သစ်တိုင်မြင့်များ ပေါ်မှ အောက်ရှိမြစ်ရေပြင်ပေါ်သို့ ခုန်ဆင်းကြလေ့ပြုသော ရှေးဟောင်းမြန်မာ အားကစားပြိုင်ပွဲ သမယဖြစ်၍လည်းကောင်း၊ "သစ်ဆင်းလ" ဟုခေါ်ကြောင်း မှတ်သားရဖူးပါတယ်။

          နှောင်းပိုင်းမှာတော့ တော်သလင်းလလို့ ပြောင်းလဲ ခေါ်ဝေါ်ကြပါတယ်။ "တော်" ဆိုတာ အထက်ကောင်းကင်လို့ အဓိပ္ပာယ် ရပါတယ်။ "သလင်း" (=သာလင်း) ကတော့ သာယာခြင်း၊ ထွန်းလင်းခြင်းကို ဆိုလိုတာပါ။ ဒါ့ကြောင့် ဤလသည် ကောင်းကင်တစ်ခွင် သာယာ၍ ထွန်းလင်းနေသော လ လို့ အဓိပ္ပာယ်ရပါတယ်။ ``တော်သလင်းရာသီ - တင့်ကာဆန်းပြန်တော့ - လျှံကာစီပွင့်ကာဖြင့် လန်းရှာကြ၊ ယင်းမာပန်းတွေက  လှိုင်လှိုင်ကြူ´´ ဆိုတဲ့ကဗျာစာသားလေးလိုပဲ မိုးရွာတဲ့အချိန်နဲ့ နေပူတဲ့အချိန်က မျှတနေတော့ ပတ်ဝန်းကျင်ကလဲ သန့်ရှင်းစိမ်းစိုနေပါတယ်။ လယ်ကွင်းထဲက စပါးတွေကလဲ စိမ်းမြကမ္ဗလာကြီး ခင်းထားသလို တအိအိနဲ့ ကြည့်လို့ မ၀နိုင်စရာပါ။

          မြစ်တွင်းမှာတော့ ၀ါဆို ၀ါခေါင်လောက်လဲ မိုးမသည်း ရေမကြီး၊ သီတင်းကျွတ် တန်ဆောင်မုန်းလ လောက်လဲ မြစ်ရေက မကျသေးဘဲ လှိုင်းလေနည်းပါးလို့ မြစ်ရေပြင် ညီညာပြေလွင် နေတာကိုပဲ တော်သလင်း မြစ်တွင်း သင်ဖြူးခင်းရယ်လို့ လူကြီးသူမများက ပြောခဲ့ကြတာပေါ့။ မြစ်ရေပြင်ဟာ ကမ်းနဲ့တညီတည်းဖြစ်နေသလို သင်ဖြူးခင်းထားသလို တည်ငြိမ်နေတာကြောင့် ဒီလဒီရာသီမှာပဲ မြန်မာမင်းများလက်ထက်က လှေပြိုင်ပွဲသဘင်ကို ကျင်းပကြပါတယ်။ ကမ်းပေါ်ကအားပေးကြတဲ့ လူတွေ ရော မြစ်တွင်းက ပြိုင်ပွဲဝင်နေကြတဲ့ အားကစားသမားတွေပါ တဦးကို တဦး ထင်သာမြင်သာ ရှိတဲ့ အနေအထားဖြစ်လို့ ဒီရာသီကို ရွေးတယ်လို့ ထင်ပါတယ်။

          မြန်မာမင်းများလက်ထက်က ရေတပ်ဟာ အရေးပါဆုံးအနေအထားမှာ ရှိပါတယ်။ စစ်တပ်ဖွဲ့စည်းတဲ့အခါ စစ်သားတွေကို ခြေလျင်ဆယ်ပွဲရမှ မြင်းပေါ် တင်ပါတယ်။ မြင်းဆယ်ပွဲရမှ ဆင်ပေါ်တင်ပါတယ်။ ဆင်နဲ့ဆယ်ပွဲရမှ လှေပေါ်တင်ပါတယ်။ ဒါကြောင့် မြန်မာမင်းများရဲ့ စစ်တပ်မှာ ရေတပ်ဟာ ကျွမ်းကျင်မှုကို အဓိကထားတယ်လို့ ယူဆစရာ ရှိပါတယ်။ ပုဂံခေတ်ထိုး ညောင်ရမ်းကြီးသမီးကျောက်စာမှာ ဖခင်အမည်ကို မခေါ်ဘဲ ဂုဏ်တင်တဲ့အနေနဲ့ ကင်္ကသူ (=ဂင်္ဂါသူ = ဂင်္ဂါ + သူရ)လို့ ခေါ်ထားတာ တွေ့ရပါတယ်။ ဂင်္ဂါဆိုတာ ရေကို ညွှန်းဆိုတာ ဖြစ်ပြီး သူကတော့ သူရ=ရဲရင့်ခြင်းကို ညွှန်းဆိုတာပဲဖြစ်ပါတယ်။ ရေတပ်ဗိုလ်ချုပ်ကြီးရဲ့သမီးဖြစ်ရတာကို ဂုဏ်ယူဟန် ရှိပါတယ်။

          အဲဒီလို ဂုဏ်တင်နိုင်စရာ ကျွမ်းကျင်စစ်သည်ဖြစ်ဖို့အတွက် လှေပြိုင်ပွဲတွေဟာ သိပ်ကို အရေးပါလှပါတယ်။ ရေတပ်သားတွေရဲ့ တက်ရေးလေ့ကျင့်မှုအရည်အသွေးတွေကို စစ်ဆေးချီးမြှောက်လိုတဲ့အတွက် လှေပြိုင်ပွဲကို ကျင်းပပေးတာဖြစ်ပါတယ်။ တစ်ဦးချင်းစီရဲ့ ခန္ဓာကိုယ်သန်စွမ်းခြင်း၊ တက်ရေးကျွမ်းကျင်ခြင်းတွေကို အခြေပြုပြီးမှ ရေတပ်မတော်ရဲ့ အင်အားကို ကြီးမားစေခဲ့ပါတယ်။ အဲဒီလိုပါပဲ။ ပြာသိုလမှာ မြင်းစစ်သည်တွေ မြင်းနှင့်အတူ ဓားရေးလှံရေးလေ့ကျင့်ကျွမ်းကျင်မှုကို စစ်ဆေးချီးမြှောက်လိုတဲ့ အတွက် မြင်းခင်းသဘင်ကို ကျင်းပပေးခဲ့ကြပါတယ်။ ဒီလို တိုင်းပြည်အင်အားကို ကြီးမားစေတဲ့ ကစားနည်းတွေဖြစ်လို့ အားကစားလို့များ ခေါ်ဆိုလေသလား အတွေးပွားမိပါတယ်။

          ရောမခေတ်ကလဲ အိုလံပစ်ပွဲတွေဟာ တိုင်းပြည်ကာကွယ်ရေးအတွက် အထောက်အကူဖြစ်စေတဲ့ ကစားနည်းတွေပဲ ဖြစ်ပါတယ်။ အနိုင်ရတဲ့သူကို ဘုရင်က သံလွင်ရွက်သရဖူ ဆောင်းပေးပါတယ်။ အဲဒီခေတ်က ကစားသမားတွေဟာ သံလွင်ရွက်သရဖူရရှိရေး အတွက် ချွေးပေါင်းမြောက်မြားစွာ ရင်းနှီးပြီး လေ့ကျင့်ခဲ့ကြပါတယ်။ မြန်မာမင်းများကတော့ ရွှေခွက်ဘယ်မျှ ငွေခွက်ဘယ်မျှ စသည်ဖြင့် ရွှေငွေတွေကို ခွက်နဲ့ချင်ပြီး ချီးမြှင့်ပေးကြပါတယ်။

          စစ်ပွဲတွေမှာ တွေ့ကြုံရမယ့် အခြေအနေအရပ်ရပ်ကို လိုက်ပြီး လှေလှော်တဲ့အခါမှာ တက်ကို အမျိုးမျိုးထားပြီး လှော်ခတ်ကြရ ပါတယ်။ အဲဒါကြောင့် လေ့ကျင့်တဲ့အခါမှာလဲ အနေအထားတိုင်းမှာ အဆင်သင့်ဖြစ်နေအောင် လှေလှော်နည်းအမျိုးမျိုးနဲ့ ကျွမ်းကျင်အောင် လေ့ကျင့်ထားကြရပါတယ်။ လှေလှော်နည်းတွေကိုလဲ သွင်ပြင်မူရာကို လိုက်ပြီး (၃၇)မျိုး ခွဲခြားထားတာ တွေ့ရပါတယ်။ အဲဒါကိုပဲ တက်ရေး (၃၇)ပါး ရယ်လို့ ခေါ်ပါတယ်။

          ဘုရားရှိခိုး၊ ရွှေလောင်းချီ၊ ရွှေလောင်းထွက်၊ ရွှေဖောင်ယှည်၊ တက်ကောက်၊ တက်မြှောက်၊ တက်တန်း၊ တက်စောင့်၊ တက်ထောင်၊ တက်ရှက်၊ တက်ဝှက်၊ တက်ခပ်၊ တက်လှ၊ အိမ်မိုးခြင်တင်၊ စင်ရော်သုတ်၊ စင်ရော်ဝဲ၊ ၀မ်းဘဲတောင်ဖြန့်၊ ၀မ်းဘဲကန့်၊ လက်မြန်၊ ခေါ်တော်မူ၊ နတ်သမီးပန်းဆွတ်၊ နတ်သမီးပန်းလှမ်း၊ နတ်သမီးပန်းတောင်း၊ စမ္ပာငုံ၊ သန်လျက်ထမ်း၊ ဆေးတံတော်ထိုး၊ ရာဇမတ်ကြီး၊ ရာဇမတ်ငယ်၊ နေရောင်ကာ၊ နေရောင်ပြ၊ တင်းတိမ်ရံ၊ တင်းတိမ်လှစ်၊ သုံးချက်ပေါက်ပြန်၊ သုံးဖန်ချီ သုံးဖန်ချ၊ ဆင်စွယ်ဝန်းယှက်၊ ကိန္နရာတောင်ရှက်၊ ရွှေငှက်တောင်ခတ်တို့ဟာ က၀ိလက္ခဏာသတ်ပုံကျမ်းမှာ ပြထားတဲ့ တက်ရေး (၃၇)ပါးပဲ ဖြစ်ပါတယ်။

          လှေပြိုင်ပွဲတွေဟာ ကျွန်တော်တို့ ခေတ်အထိကို ရှိခဲ့ပါတယ်။ မြစ်တွင်းရေစီးကြောင်းမှာ ၀မ်းလုံးလုံးနဲ့ လောင်းလှေကို တက်သုတ်ရိုက် လှော်ခတ်ယှဉ်ပြိုင်ရတာဖြစ်လို့ အန္တရာယ်လဲ အလွန်ကြီးပါတယ်။ ဒါကြောင့် လှေပြိုင်ပွဲဝင်မယ့် အားကစားသမားတွေဟာ  တစ်လလောက်ကြိုပြီး ဘုန်းတော်ကြီးကျောင်းများမှာ စခန်းသွင်းလေ့ကျင့်ကြ ပါတယ်။ မေထုန်အမှုကို ရှောင်ကြဉ်ပြီး ဗြဟ္မစရိယသီလ ကို ဆောက်တည်ကြရတာဖြစ်လို့ ဇနီးသည်တွေကလဲကျောင်းကို လိုက်မလာကြရပါဘူး။ ပြိုင်ပွဲကာလပြီးမှသာ အိမ်ပြန်ခွင့် ရှိပါတယ်။

          ဒါပေမယ့် မြန်မာမင်းများလက်ထက်က အားကစားဖြစ်ခဲ့တဲ့ လှေပြိုင်ပွဲဟာ ကျွန်တော်တို့ ခေတ်မှာတော့ အားကစားအသွင် မဆောင်တော့ပါဘူး။ ကျွန်တော်တို့ ကလေးဘ၀ စပါးတင်းတစ်ရာကို ငွေသုံးသောင်းလောက်ဖြစ်နေချိန် လှေပြိုင်ပွဲရဲ့လောင်းကြေးဟာ သိန်းနှစ်ဆယ်ကနေ သိန်းငါးဆယ်အထိ ရှိပါတယ်။ လှေပြိုင်ပွဲကြောင့် ကြီးပွားသွားတဲ့သူတော့ သိပ်မတွေ့ဖူးပါဘူး။ လှေပြိုင်ပွဲကြောင့် လယ်ပေါင်မြေပေါင်နဲ့ ဘ၀ပျက်သွားရတဲ့သူတွေကိုတော့ တွေ့ခဲဖူးပါတယ်။ ဘာပဲဖြစ်ဖြစ် မတရားလိုချင်တဲ့ ကိုယ့်လောဘကသာ ကိုယ့်သတ်တာဖြစ်ပါတယ်။ လှေပြိုင်ပွဲက သတ်တာမဟုတ်ဘူးဆိုတာကိုတော့ .....။

သင်ခဲ့ ဖတ်ခဲ့ ကြုံခဲ့ဖူးတဲ့ အတွေ့အကြုံလေးပါ။ စာရှည်သွားတဲ့အတွက် ခွင့်လွှတ်သည်းခံပြီး ဖတ်ပေးကြပါခင်ဗျာ။ လေးစားစွာဖြင့် (ဆန်းစုနိုင်)

မေတ္တသုတ်အဓိပ္ပာယ်

• Posted by ကိုဆန်းစုနိုင် on စက်တင်ဘာ 1, 2012 at 2:44pm

          မေတ္တသုတ်ဖြစ်ပေါ်လာပုံကိုတော့ အားလုံး သိထားကြပြီးသား ဖြစ်ပါတယ်။ ရဟန်းတွေ တောထဲသွားပြီး တရားအားထုတ်ကြတဲ့အခါ တောစောင့်နတ်တွေက ရဟန်းတွေရှိနေတဲ့အတွက် ဘုံဗိမာန်တွေပေါ်ကနေ ဆင်းပေးကြရတော့ သူတို့တွေ အနေခက်တာကြောင့် ဒီရဟန်းတွေ မနေရဲအောင် ခြောက်လှန့်လွှတ်ကြပါတယ်။ ဘုရားရှင်က အဲဒီတောစောင့်နတ်တွေကို မေတ္တာပို့ဖို့အတွက် မေတ္တာသုတ်ကို ဟောကြားတော်မူတာ ဖြစ်ပါတယ်။
မေတ္တာသုတ်ရဲ့ အဓိပ္ပာယ်ကိုတော့ သိသူလည်း ရှိမယ်။ မသိသူလည်းရှိပါတယ်။ မသိသူတွေအတွက် ရည်ရွယ်ပြီး ဒီ ပို့စ်လေးကို ရေးသားတာပဲဖြစ်ပါတယ်။ မေတ္တာသုတ်ရဲ့ ပထမဆုံးအပိုဒ်က ``ကရဏီယမတ္ထကုသလေန´´ဆိုတာနဲ့ စပါတယ်။
          လောကီလောကုတ္တရာ နှစ်ဖြာသောအကျိုးစီးပွားတွေမှာ ကျွမ်းကျင်တဲ့သူဟာ ငြိမ်သက်အေးချမ်းတဲ့ နိဗ္ဗာန်ကို အာရုံပြုပြီးတော့ သူတော်ကောင်းတရားတွေကို ပြုလုပ်သင့်ပါတယ်။ ဒီလိုပြုလုပ်တဲ့အခါမှာ-
၁။ သက္ကော = ကိုယ်နှင့်အသက် မငဲ့ကွက်ဘဲ အားထုတ်နိုင်စွမ်း ရှိရပါမယ်။
၂။ ဥဇု = ကိုယ်နှုတ်နှစ်ပါး ရိုးသားဖြောင့်မတ်မှု ရှိရမယ်။
၃။ သုဟုဇု = စိတ်သဘောထားလည်း ဖြောင့်မတ်ရမယ်။
၎။ သုဝစော = ဆိုဆုံးမလွယ်သူ ဖြစ်ရမယ်။
၅။ မုဒု = နူးညံ့သိမ်မွေ့ရမယ်။
၆။ အနတိမာနီ = မာန်မာနထောင်လွှားခြင်းမျိုး မရှိရ။
၇။ သန္တုဿကော = ရောင့်ရဲလွယ်သူ ဖြစ်ရမယ်။
၈။ သုဘရော = မွေးမြူလွယ်သူ ဖြစ်ရမယ်။
၉။ အပ္ပကိစ္စော = ဗာဟီရကိစ္စနည်းပါးရမယ်။
၁၀။ သလ္လဟုဝုတ္တိ = ပေါ့ပါးသော အသက်မွေးခြင်း ရှိရမယ်။
၁၁။ သန္တိန္ဒြိယော = ငြိမ်သက်သော ဣနြေ္ဒရှိရမယ်။
၁၂။ နိပကော = အရာရာမှာ ခွဲခြမ်းစိပ်ဖြာနိုင်သည့် ဉာဏ်ပညာရှိရမယ်။
၁၃။ အပ္ပဂဗ္ဘော = ကိုယ်နှုတ်နှလုံး ရုန့်ရင်းကြမ်းတမ်းခြင်း မရှိရ။
၁၄။ ကုလေသု အနနုဂိဒ္ဓေါ = အမျိုးလေးပါးတို့တွင် တပ်မက်မောခြင်း မရှိရ။
၁၅။ ပညာရှိတို့ ကဲ့ရဲ့သော အလုပ်မျိုးကို အနည်းငယ်မျှ မပြုလုပ်ရ။
         ဒါတွေဟာ သူတော်ကောင်းတရားကို ကျင့်မယ့်သူတွေအတွက် ပြည့်စုံသင့်တဲ့ အချက်တွေဖြစ်လို့ မေတ္တသုတ်ထဲမှာ ထည့်ဟောထားပုံရပါတယ်။ အထက်ပါ အချက် (၁၅)ချက်ထဲမှာ ရောထွေးနိုင်တာ သုံးခု တွေ့ရပါတယ်။
          သန္တုဿကော = ရောင့်ရဲလွယ်ခြင်း ဆိုတာကတော့ ရှင်းပါတယ်။ တချို့က အများကြီးမျှော်လင့်ထားတတ်ကြတယ်။ မျှော်လင့်ထားသလောက် ဖြစ်မလာတဲ့အခါ ကိုယ်စိတ် ပင်ပန်းညှိုးနွမ်းရတတ်တယ်။ အတတ်နိုင်ဆုံးကြိုးစားမယ်။ ရသမျှနဲ့ တင်းတိမ်မယ်လို့ ပိုင်းဖြတ်ထားတဲ့သူတွေအတွက်တော့ တော်တန်ရုံလောက်နဲ့ စိတ်နှလုံး မပင်ပန်းရတော့ပါဘူး။ ဒါဟာ ရောင့်ရဲလွယ်မှုရဲ့ ကိုယ်တိုင်ခံစားရတတ်တဲ့ အကျိုးရလဒ်ပါ။
          သုဘရော = မွေးမြူရလွယ်ခြင်းဆိုတာကျတော့ သူလဲ ရောင့်ရဲခြင်းပါပဲ။ သန္တုဿကော က ကိုယ့်အတွက် သုဘရောက ပတ်ဝန်းကျင်အတွက်ပါ။ ဘာပဲ လုပ်ကိုင်ပေးပေး၊ လုပ်ကိုင်ကျွေးကျွေး ဟိုဟာမကြိုက် ဒီဟာမကြိုက်ဆိုရင် ပတ်ဝန်းကျင်မှာလဲ ပင်ပန်းတယ်။ ကိုယ့်မှာလဲ ပင်ပန်းတယ်။ ဒါလဲပဲ သူတော်ကောင်းတရားကို ကျင့်ကြံတဲ့အခါမှာ မွေးမြူရခက်ခြင်းကြောင့် တွေ့ရတတ်တဲ့ အနှောင့်အယှက်တစ်မျိုးပါပဲ။
          နောက်တစ်ခု ဆင်တူတာက သလ္လဟုက၀ုတ္တိ = ပေါ့ပါးသော အသက်မွေးမှု၊ ဒါလဲ ရောင့်ရဲခြင်း တမျိုးပါပဲ။ သန္တုဿကောမှာက အသက်မွေးမှုနဲ့ပတ်သက်ပြီး စိတ်ထားတတ်ဖို့ပါ။ အလုပ်ကြီးအကိုင်ကြီးပဲဖြစ်ဖြစ် လုပ်ငန်းသေးပဲဖြစ်ဖြစ်၊ ကြိုးစားရှာမယ်၊ ရသမျှနဲ့ ရောင့်ရဲမယ်။ သလ္လဟုက၀ုတ္တိကျတော့ အသက်မွေးမှုကိုပါ ချုပ်တည်းသွားပါပြီ။ ကဿပဘုရားရှင်လက်ထက်တော်က ဃဋိကာရဆိုတဲ့ အိုးထိန်းသည်ရဲ့ အသက်မွေးမှုဟာ သတိပြုစရာပါ။ သူအလုပ်လုပ်တာက စီးပွားရှာတာ မဟုတ်တော့ပါဘူး။ အသက်ကို မွေးမြူဖို့ပဲ အလုပ်လုပ်တာဖြစ်ပါတယ်။
          ဃဋိကာရအိုးထိန်းသည်ဟာ အနာဂါမ်အရိယာကြီးပါ။ ဒါကြောင့် အသက်ကို မွေးဖို့အတွက် အိုးလုပ်သော်လည်း မြေတွင်းသတ္တ၀ါတွေ ထိခိုက်မှာစိုးလို့ မြေကြီးကို မတူးပါဘူး။ ကြွက်ကျစ်စာ ပုစွန်ကျစ်စာကို ရှာပါတယ်။ အိုးဖုတ်ဖို့ ထင်းအတွက် အမှိုက်တွေကို ပိုးပုရွက်ကင်းအောင် လုပ်ပြီးမှ  အိုးတွေဖုတ်ပါတယ်။ အိုးဖုတ်ပြီးတဲ့ အခါမှာလဲ ငွေကြေးနဲ့ရယ်လို့ ရောင်းတာမဟုတ်ဘဲ အစားအစာနဲ့ ဖလှယ်ပါတယ်။ သူ့လောက် အသက်မွေးမှု လွယ်ကူတာတော့ တော်တော်ရှားပါတယ်။
         ဒီလို အင်္ဂါရပ်တွေနဲ့ ပြည့်စုံပြီးတဲ့အခါမှာ အလုံးစုံသော သတ္တ၀ါအားလုံးကို အာရုံပြုပြီး
၁။ ကိုယ်ချမ်းသာကြပါစေ၊
၂။ စိတ်ချမ်းသာကြပါစေ၊
၃။ ဘေးရန်ကင်းကြပါစေ၊
ဆိုပြီး မေတ္တာ ပွားများရပါတယ်။ မေတ္တာသုတ်ထဲမှာတော့ ``သုခီနောဝ ခေမိနော ဟောန္တု၊ သဗ္ဗသတ္တာ ဘ၀န္တု သုခီတတ္တာ´´ရယ်လို့ ဘုရားရှင် ဟောထားပါတယ်။ ဒါကိုပဲ မင်းကွန်းဆရာတော်ကြီးက
``လုံးစုံများစွာ ၊ သတ္တ၀ါ ၊ ချမ်းသာကိုယ်စိတ် မြဲပါစေ။´´
``ဥပဒ်ရန်ဘေး ၊ ကင်းစင်ဝေး ၊ ငြိမ်းအေးကြပါစေ။´´
လို့ လင်္ကာစပ်ဆိုထားတော်မူခဲ့ပါတယ်။ ဒီလို သတ္တ၀ါအားလုံးကို ရောပြီး မေတ္တာပွားများပြီးတဲ့နောက်မှာ နောက်တစ်ခါ အသေးစိတ်ပွားများဖို့အတွက် နှစ်မျိုးစီနှစ်မျိုးစီ အုပ်စု ဖွဲ့လိုက်ပါတယ်။ ထွက်သက်ဝင်သက်ရှိသော သတ္တ၀ါအုပ်စုရယ်၊ အသညသတ်ဗြဟ္မာလို ထွက်သက်ဝင်သက်မရှိတဲ့ သတ္တ၀ါ အုပ်စုရယ်၊ ဒေါသကိလေသာ မကင်းသေးလို့ ကြောက်တတ်တဲ့ ပုထုဇဉ် ၊ သောတာပန် အုပ်စုရယ်၊ ဒေါသကင်းတဲ့ အနာဂါမ် ရဟန္တာဆိုတဲ့ မကြောက်တတ်တဲ့ အုပ်စုရယ်။ မြင်ရတဲ့သတ္တ၀ါအုပ်စု မမြင်ရတဲ့သတ္တ၀ါအုပ်စု၊ အဝေးမှာ ရှိတဲ့သတ္တ၀ါ အုပ်စု၊ အနီးမှာရှိတဲ့ သတ္တ၀ါအုပ်စု၊ ဘ၀ဇာတ်ဆုံးသွားတဲ့ သက်ရှိဖြစ်နေဆဲ ရဟန္တာအုပ်စု၊ ဘ၀ဇာတ်မဆုံးသေးတဲ့ အုပ်စု စသည်ဖြင့် မြတ်စွာဘုရားဟာ မေတ္တာအစ သမာဓိနည်းနေသေးတဲ့အတွက် နှစ်အုပ်စုစီ ခွဲပေးပါတယ်။
          မေတ္တာ ပွားများနေရင်း သမာဓိရင့်လာတဲ့အခါ ထပ်ပြီး အသေးစိတ်ဖို့အတွက် ခန္ဓာကိုယ် ရှည်လျားတဲ့ မြွေတို့လို သတ္တ၀ါတစ်စု၊ ခန္ဓာကိုယ် တိုတောင်းတဲ့ လိပ်တို့လို့ သတ္တ၀ါတစ်စု၊ လူ၊ နွား ကြက် ၀က် စတဲ့ ခန္ဓာကိုယ်အလယ်အလတ် သတ္တ၀ါတစ်စုကို အလျားအနေနဲ့ ခွဲပါတယ်။ နောက်တစ်ဖန် ပမာဏအနေနဲ့ ခန္ဓာကိုယ်ကြီးတဲ့ ဆင်တို့ ဝေလငါးတို့လို သတ္တ၀ါ၊ ခန္ဓာကိုယ်သေးတဲ့ ပိုး ခြ ပုရွက်တို့လို သတ္တ၀ါတွေ၊ အလယ်အလတ်ဖြစ်တဲ့ သတ္တ၀ါတွေ တစ်စုစီ ခွဲပြန်ပါတယ်။ နောက်တစ်ဖန် ၀ခြင်း ပိန်ခြင်းကို လိုက်ပြီးတော့လဲ ခန္ဓာကိုယ်ဝတဲ့ သတ္တ၀ါ၊ ပိန်လှီတဲ့ သတ္တ၀ါ၊ အလယ်အလတ် သတ္တ၀ါစသည်ဖြင့် ခန္ဓာအရွယ်အစားလိုက်ပြီး ခွဲခြားပေးပါတယ်။
          မိမိတို့အာရုံထဲမှာ အဲဒီလို ခန္ဓာကိုယ်အသီးသီးကို အာရုံပြုပြီး တစ်မျိုးစီတိုင်း တစ်မျိုးစီတိုင်းမှာ ကိုယ်ချမ်းသာပါစေ၊ စိတ်ချမ်းသာပါစေ၊ ဘေးရန်ကင်းကြပါစေရယ်လို့ မေတ္တာစိတ်ကလေး ညွှတ်ပေးကြရတာကိုပဲ မေတ္တာပွားတယ်လို့ ခေါ်ပါတယ်။ ဒါက ယေကေစိ ပါဏဘူတတ္ထိ ဆိုတဲ့ အပိုဒ်ကနေ စပြီး ဘူတာ ၀ သမ္ဘဝေသီ ၀ ၊ သဗ္ဗသတ္တာ ဘ၀န္တု သုခီ တတ္တာ အထိ အဓိပ္ပာယ်များပါပဲ။
          နပရောပရံ နိကုဗ္ဗေထ စတဲ့ အပိုဒ်ကိုတော့ ဆရာတော်ကြီးက လူအချင်းချင်း လှည့်ပတ်ခြင်း ကင်းရှင်းကြပါစေ စသည်ဖြင့် လင်္ကာ သုံးကြောင်း စပ်ဆိုထားတော်မူထားလို့ အဲဒီလင်္ကာလေး ကြည့်တာနဲ့ပဲ အဓိပ္ပာယ်က ပေါ်လွင်ပါတယ်။
          မေတ္တာပွားများတဲ့အခါ စိတ်ထားပုံ စိတ်ထားနည်းကိုတော့ ဘုရားရှင်က ``မာတာ ယထာ နိယံ ပုတ္တ-မာယုသာ ဧကပုတ္တမနုရက္ခေ´´ စသည်ဖြင့် ဟော်တော်မူပါတယ်။ မိခင်တစ်ဦးဟာ သူ့ရဲ့ တစ်ဦးတည်းသော သားကို အသက်ပေးပြီး ချစ်လို့ အသက်ပေးပြီး စောင့်ရှောက်သလိုပဲ ခပ်သိမ်းသော သတ္တ၀ါတွေအပေါ်မှာလဲ အဲဒီလို စိတ်ထားရမယ်လို့ ဆိုလိုပါတယ်။
          အပါယ်လေးဘုံ၊ လူ့ဘုံ၊ နတ်ပြည်ခြောက်ထပ်ပါဝင်တဲ့ ကာမဘ၀ဆိုတဲ့ အောက်လောကမှာရော၊ ရူပါဝစရဗြဟ္မာ့ဘုံလို့ခေါ်တဲ့ အလယ်လောကမှာရော အရူပါဝစရဗြဟ္မာ့ဘုံလို့ခေါ်တဲ့ အထက်လောကမှာပါ ဒီလောကသုံးပါးလုံးမှာ ကျဉ်းမြောင်းကြပ်တည်းမှုတွေ ကိုယ်တွင်းကိုယ်ပဘေးရန်တွေ မရှိစေဘဲ အလွန်တရာ နှစ်သက်မြတ်နိုးဖွယ်ဖြစ်တဲ့ မေတ္တာတရားကို ပွားများသင့်တဲ့အကြောင်း ``မေတ္တဉ္စ သဗ္ဗလောကသ္မိံ ၊ မာနသံ ဘာဝယေ အပရိမာဏ´´ စတဲ့အပိုဒ်နဲ့ တိုက်တွန်းတော်မူပြန်ပါတယ်။
          ``တိဋ္ဌံ စရံ နိသိန္နော ၀ ၊ သယာနော ယာဝတာဿ ၀ိတမိဒ္ဓေါ´´ စသည်ဖြင့် ရပ်ရင်း ထိုင်ရင်း အိပ်ရင်း လျောင်းရင်းနဲ့ပါ မေတ္တာစိတ်နဲ့ နေကြမယ်ဆိုလျှင် မြတ်သောနေထိုင်းခြင်းဖြစ်တယ်လို့လဲ ဟောတော်မူပါတယ်။
          မေတ္တာကမ္မဋ္ဌာန်းကို စီးဖြန်းအားထုတ်သူဟာ အမြင်ဖောက်ပြန် မိစ္ဆာဉာဏ်မကပ်ရောက်ဘဲ ၀တ္ထုကာမ ကိလေသာ ကာမတို့မှ ကင်းစင်ကာ နိဗ္ဗာန်ကိုပါ မျက်မှောက်ပြုနိုင်တာမို့ နောက်ထပ်တစ်ဖန် ပဋိသန္ဓေပြန်နေရတဲ့ ဒုက္ခကြီးကနေ အပြီးတိုင် လွတ်မြောက်နိုက်တဲ့အကြောင်း ``ဒိဋ္ဌိဉ္စ အနုပဂ္ဂမ္မ´´ အစချီတဲ့ အပိုဒ်နဲ့ ညွှန်းဆိုတော်မူပြီး မေတ္တာသုတ်ကို နိဂုံးချုပ်ထားတော်မူပါတယ်။
          ဒါက ထိုထိုဤဤ အလီလီသော စာအုပ်တွေဖတ်ပြီး မေတ္တာသုတ်ရဲ့ အဓိပ္ပာယ်ကို သူငယ်ချင်းများအတွက် စွမ်းနိုင်သမျှ ဖွင့်ဆိုပြတာသာ ဖြစ်ပါတယ်။ အမှားအယွင်းရှိခဲ့သော သည်းခံခွင့်လွှတ်ပေးကြဖို့ကိုလဲ မေတ္တာရပ်ခံပါတယ်။
          စာတစ်လုံး ဘုရားတစ်ဆူဆိုတဲ့ စကားကို ကြားဖူးပါတယ်။ ဘုရား တရား သံဃာရဲ့ ဂုဏ်တွေကို နှလုံးသားထဲမှာ စိမ့်ထုံပြီး အဲဒီဂုဏ်တွေကို ဖော်ညွှန်းထားတဲ့ အက္ခရာတွေကို ရွတ်ဆိုပူဇော်တဲ့အခါ နှုတ်ဖျားမှာရော နှလုံးသားမှာပါ စာတစ်လုံး ရွတ်တိုင်း ဘုရားတစ်ဆူ တည်ရာရောက်လို့ ယနေ့ မေတ္တာအခါတော်နေ့မှာ အခုလို မေတ္တာသုတ်အဓိပ္ပာယ်ကို လေးနက်စွာ နှလုံးသားမှာ ဆင်ခြင်ရင်း
အို ---- သူတော်ကောင်းအပေါင်းတို့ .....။ မေတ္တာသုတ်တော်ကို ရွတ်ဆိုပူဇော်ကြပါစို့။
၁။ လုံးစုံများစွာ၊ သတ္တ၀ါ ချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၂။ ကြောက်တတ်၊ မကြောက်တတ်၊ နှစ်ရပ်များစွာ သတ္တ၀ါ ချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၃။ မြင်အပ်၊ မမြင်အပ်၊ နှစ်ရပ်များစွာ၊ သတ္တ၀ါ ချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၎။ ဝေးနေ၊ နီးနေ၊ နှစ်ထွေများစွာ သတ္တ၀ါချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၅။ ဘ၀ဇာတ်ဆုံး၊ မဆုံးများစွာ၊ သတ္တ၀ါချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၆။ ရှည် တို အလတ်၊ သုံးရပ်ခန္ဓာ၊ သတ္တ၀ါချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၇။ ကြီး ငယ် အလတ်၊ သုံးရပ်ခန္ဓာ၊ သတ္တ၀ါချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၈။ ဆူ ကြုံ အလတ်၊ သုံးရပ်ခန္ဓာ၊ သတ္တ၀ါချမ်းသာကိုယ်စိတ် မြဲပါစေ။
   ဥပဒ်ရန်ဘေး၊ ကင်းစင်ဝေး ငြိမ်းအေးကြပါစေ။
၉။ လူအချင်းချင်း၊ လှည့်ပတ်ခြင်း၊ ကင်းရှင်းကြပါစေ။
၁၀။ အထင်သေးခြင်း၊ အချင်းချင်း၊ ကင်းရှင်းကြပါစေ။
၁၁။ ဆင်းရဲလိုခြင်း၊ အချင်းချင်း၊ ကင်းရှင်းကြပါစေ။

ဘုရားရှင်နှင့် စကားအလင်္ကာ

• Posted by ကိုဆန်းစုနိုင် on စက်တင်ဘာ 6, 2012 at 5:53pm

``မိဘနှစ်ဖြာ၊
ရာဇာနှစ်ပါး၊
ပြည်တိုင်းကားကို၊
ထွားထွားကြေညက်၊ အကုန်ပျက်အောင်၊
သတ်လျက်မချန်၊ ဖြိုဖျက်လှန်ပြီး၊
အနန္တရိုက်၊ ကံကြီးထိုက်၍၊
အမြိုက်ငါ့လား၊ ခံစံစားသည်၊
ချစ်သားအရိယာ၊ များသံဃာ´´

          အထက်ပါ လင်္ကာစာပိုဒ်ကို ကြည့်လျှင် ရုတ်တရက် မကျေနပ်စရာ အဓိပ္ပာယ်များ ပေါ်လာကောင်း ပေါ်လာပါလိမ့်မည်။ ဤဆောင်းပါးကို ရေးရခြင်းအကြောင်းရင်းမှာ အချို့က ဗုဒ္ဓဘာသာ စာပေကျမ်းဂန်များကို နက်နက်နဲနဲ လိုက်စားမှုမရှိဘဲ မြန်မာပြန်လောက်မျှကိုသာ ဖတ်ပြီး ထိပါးပုတ်ခတ်တတ်သောကြောင့် ရေးသားရခြင်းဖြစ်ပါသည်။ ဤဆောင်းပါးသည် မိမိတို့နှင့် ဘာသာယုံကြည်မှုမတူသည့် မည်သည့်ဘာသာခြား လူမျိုးခြားကိုမျှ ထိပါးလိုစိတ်၊ တိုက်ခိုက်လိုစိတ် အလျဉ်းမရှိပါ။ မိမိတို့ဘာသာတွင်းမှ နားလည်ရခက်သော အဓိပ္ပာယ်ကို ဖော်ပြရုံမျှသာဖြစ်ကြောင်း ၀န်ခံလိုပါသည်။
          အထက်ပါ မဃဒေ၀လင်္ကာစာပိုဒ်သည် ဓမ္မပဒကျမ်း၊ လကုဏ္ဍကဘဒ္ဒိယမထေရ်ဝတ္ထုတွင် ဘုရားရှင် ဟောထားချက်ကို မာန်လည်ဆရာတော်ကြီးက လင်္ကာဖွဲ့ဆိုထားခြင်း ဖြစ်ပါသည်။ လင်္ကာ၏ဆိုလိုချက်အချုပ်မှာ ``မိဘနှစ်ပါးနှင့် မင်းနှစ်ဦးကိုသတ်၊ တိုင်းပြည်ကိုဖျက်ဆီး၍ အနန္တရိယ ကံကြီးထိုက်ကာ ငါကဲ့သို့ အမြိုက်နိဗ္ဗာန်ကို ခံစားကြရသည့် ချစ်သားရဟန်းတို့´´ဟု အဓိပ္ပာယ်ရပါသည်။
ဤဟောကြားချက်မှာ ဘုရားရှင်က အလင်္ကာသုံး၍ ဟောထားခြင်းသာ ဖြစ်ပါသည်။ ဤတရားတော်ဖြစ်ပေါ်လာပုံမှာ
          တစ်ခါက ရဟန်းတော်များသည် ဘုရားရှင်ထံ ဆည်းကပ်ခစားနေကြစဉ် လကုဏ္ဍကဘဒ္ဒိယ မထေရ်သည် ရဟန်းများမြင်လောက်ရာ အရပ်မှ ဖြတ်သွားမိလေသည်။ ရဟန်းများမှာ လကုဏ္ဍကဘဒ္ဒိယမထေရ်ကို ကိုရင်ငယ်လေးအသွင် ထင်နေကြသဖြင့် လေးစားမှု လျော့ပါးခြင်း ဖြစ်ခဲ့သည်။
          ထိုအရှင်၏ အမည်မှာ ဘဒ္ဒိယ ဖြစ်ပြီး အရပ်မှာ ပုကွကွဖြစ်နေသဖြင့် လကုဏ္ဍကဟု ခေါ်ကြောင်း သိရပါသည်။ အရပ်ပုကွရခြင်းမှာ ကဿပဘုရားလက်ထက်တော်အခါက ကဿပဘုရားရှင်၏ ဓာတ်တော်များကို စေတီတည်ရာတွင် အများစုက မြင့်မြင့်တည်ချင်သည်ကို ပယ်ချ၍ အမြန်ပြီးစီးကာ ခိုင်ခံ့စေလိုသော စိတ်ဖြင့် အနည်းငယ်နှိမ့်ပြီး တည်ခဲ့မိသောကြောင့် ပုကွကွ အကျိုးပေးခြင်း ဖြစ်ကြောင်းလည်း သိရပါသည်။ ရဟန်းတော်များ၏ စိတ်ကို သိတော်မူသော ဘုရားရှင်က
          ``ရဟန်းတို့ ...။ ကြည့်လိုက်ကြပါ။ ဤရဟန်းတော်သည် မိဘနှစ်ပါးကို အရှင်းပြတ်ပြတ် သတ်ဖြတ်နိုင်သောကြောင့် ဆင်းရဲမရှိ ချမ်းသာစွာ သွားလာနေရပေ၏´´
ဟု မိန့်တော်မူလိုက်သည်။ ဘုရားရှင်၏ စကားကို ကြားလျှင် ရဟန်းများက တစ်ပါးမျက်နှာ တစ်ပါးကြည့်ကြလျက်
          ``မြတ်စွာဘုရား ... အဘယ်ကဲ့သို့သော အဓိပ္ပာယ်ဖြင့် မိန့်ကြားတော်မူပါသနည်း´´
ဟု မေးမြန်းလျှောက်ထားကြရာ ဘုရားရှင်က
          ``ရဟန်းသည် မိဘတို့ကို သတ်၍လည်းကောင်း၊ ဓားလှံလက်နက် စွဲကိုင်စောင့်ကြပ်နေသည့် နိုင်ငံကို ချေမှုန်း၍ မင်းနှစ်ပါးကို သတ်ဖြတ်နိုင်သောကြောင့်လည်းကောင်း ဘေးရန်မရှိ အေးချမ်းစွာ သွားလာနေရပေ၏´´
ဟု ဟောကြားတော်မူပါသည်။
          ဤနေရာတွင် အမိဟူသည်မှာ တဏှာကို ဆိုလိုပါသည်။ မိခင်သည် သားသမီးတို့ကို ဖြစ်စေသကဲ့သို့ တဏှာသည်လည်း ဘ၀သုံးပါး၌ သတ္တ၀ါတို့ကို ဖြစ်စေပါသည်။ ထို့ကြောင့် တဏှာသည် အမိနှင့် တူပါသည်။
         အဖဟူသည်မှာ မာနကို ဆိုလိုပါသည်။ လူတို့သည် အဖကို အမှီပြု၍ မာန်တက်တတ်ကြသည်။ ``ငါက ဘယ်သူ့သား၊ ငါ့အဖေက ဘာ´´စသည်ဖြင့် ဖခင်ကို အမှီပြုကာ လက်မထောင်တတ်ကြသည်။ ထို့ကြောင့် မာနသည် ဖခင်နှင့် တူပါသည်။
          အစောင့်အကြပ်ချထားသော နိုင်ငံဟူသည်မှာ အာယတန ၁၂-ပါးကို ဆိုလိုပါသည်။ ကိလေသာတို့ကို ဖြစ်ပေါ်စေတတ်သောကြောင့် မျက်စိ၊ နား၊ နှာ၊ လျာ၊ ကိုယ်၊ စိတ်၊ အဆင်း၊ အသံ၊ အနံ့၊ အရသာ၊ အတွေ့အထိ၊ အတွေးအကြံ၊ သဘောတရား ဤတရား ၁၂ ပါးကို အာယတနတရားများဟု ခေါ်ပါသည်။ ဤတရားတို့သည် အလွန်ကျယ်ဝန်းလှသဖြင့် နိုင်ငံတစ်ခုနှင့် တူကြောင်း ဘုရားရှင် နှိုင်းပြခြင်း ဖြစ်ပါသည်။ နိုင်ငံကို ချစ်သူတို့သည် လက်နက်စွဲကိုင်လျက် နိုင်ငံကို စောင့်ရှောက်တတ်သကဲ့သို့ ဖြစ်ရာဘ၀ကို နှစ်သက်စေတတ်သော နန္ဒီရာဂဟုခေါ်သည့် တဏှာသည် အာယတနတရားကို စောင့်ရှောက်တတ်သောကြောင့် နန္ဒီရာဂကို လက်နက်ကိုင်အစောင့်နှင့် နှိုင်းပြတော်မူခြင်း ဖြစ်ပါသည်။
          မင်းနှစ်ပါးဟူသည်မှာ သဿတဒိဋ္ဌိနှင့် ဥစ္ဆေဒဒိဋ္ဌိကို ဆိုလိုပါသည်။ လူအပေါင်းသည် အစိုးရမင်းများကိုသာ မှီခိုနေကြရ၊ မင်းလိုလိုက် မင်းကြိုက်ဆောင်ကြရသကဲ့သို့ မိစ္ဆာဒိဋ္ဌိအယူအားလုံးတို့သည် သဿတဒိဋ္ဌိ (မြဲသောအယူ)၊ ဥစ္ဆေဒဒိဋ္ဌိ (ပြတ်သောအယူ)တို့ကို အမှီပြုရသဖြင့် မိစ္ဆာဒိဋ္ဌိအားလုံး၏ ဘုရင်များပင် ဖြစ်ပါသည်။
          ဤသို့လျှင် တဏှာ၊ မာန၊ အာယတန၊ နန္ဒီရာဂ၊ သဿတဒိဋ္ဌိ၊ ဥစ္ဆေဒဒိဋ္ဌိတို့ကို မဂ်တရားတည်းဟူသော ကုသိုလ်ကံအကြီးစားဖြင့် ဖြတ်တောက်သုတ်သင်နိုင်သည်ကို ကံကြီးထိုက်သည်ဟု ဆိုလိုပါသည်။ အများအားဖြင့် ကံကြီးထိုက်သည်ဟု ပြောလိုက်လျှင် ``အမိသတ်ခြင်း၊ အဖသတ်ခြင်း၊ ရဟန္တာသတ်ခြင်း၊ သံဃာသင်းခွဲခြင်း၊ ဘုရားရှင်ကို သွေးစိမ်းတည်အောင်ပြုခြင်း´´ဟူသော အကုသိုလ်ကံအကြီးစားကိုသာ ပြေးမြင်မိတတ်ကြပါသည်။
          ဗုဒ္ဓဘာသာအလိုအရ ကံဟူသည်မှာ ကုသိုလ်ကံ(အပြစ်မရှိသော၊ ကောင်းသောအကျိုးကို ပေးသော အလုပ်)နှင့် အကုသိုလ်ကံ(အပြစ်ရှိသော၊ မကောင်းသောအကျိုးကို ပေးသော အလုပ်)ဟု နှစ်မျိုးရှိပါသည်။ ထိုကုသိုလ်ကံ အကုသိုလ်ကံတို့တွင်လည်း အကြီးအသေး အစားစား ကွဲပြားပါသည်။
          ဤနေရာတွင် မဂ်ကုသိုလ်သည် ကုသိုလ်တကာတို့တွင် အတိုင်းအဆမရှိ အကြီးဆုံးဖြစ်သောကြောင့် အနန္တရိယကုသိုလ်ကံအဖြစ် မာန်လည်ဆရာတော်ကြီးက စပ်ဆိုထားခြင်းသာ ဖြစ်ပါသည်။ အကုသိုလ်အနန္တရိယကို ဆိုလိုခြင်း မဟုတ်ပါ။
          ထိုအနန္တရိယ အနှိုင်းမဲ့မဂ်ကုသိုလ်(အရဟတ္တမဂ်)တရားကို ရရှိသဖြင့် အရဟတ္တမဂ်၏အကျိုးဖြစ်သော အရဟတ္တဖိုလ်ဆိုက်၍ ရဟန္တာဖြစ်နေသည့် လကုဏ္ဍကဘဒ္ဒိယမထေရ်သည် ငါဘုရားကဲ့သို့ နိဗ္ဗာန်ချမ်းသာကို ခံစားနေသူဖြစ်ကြောင်း ရဟန်းတို့ကို ဘုရားရှင်က မိန့်ကြားတော်မူခြင်း ဖြစ်ပါသည်။
          တစ်နည်းအားဖြင့် ငါဘုရားကဲ့သို့ နိဗ္ဗာန်ချမ်းသာကို ခံစားလိုလျှင် တဏှာ၊ မာန၊ အာယတန၊ နန္ဒီရာဂ၊ သဿတဒိဋ္ဌိ၊ ဥစ္ဆေဒဒိဋ္ဌိတို့ကို ဖြတ်တောက်ရမည်ဖြစ်ကြောင်း ဟောကြားတော်မူခြင်း ဖြစ်ပါသည်။ ပုကွကွဖြစ်နေသည့် လကုဏ္ဍကဘဒ္ဒိယမထေရ်ကို မြင်ပြီး ခပ်ရွှင်ရွှင်ဖြစ်နေသည့် ရဟန်းတော်များ၏စိတ်ကို ဘုရားရှင်က သိတော်မူ မြင်တော်မူသဖြင့် တရားအပေါ် အာရုံစုစည်းမှု ပိုဖြစ်လာအောင် ပဟေဠိဖြင့် အဖြေညှိကာ ဟောကြားတော်မူခြင်းသာ ဖြစ်ပါသည်။
          ထိုတရားတော်ကို မြန်မာပြန်မျှလောက်သာ ဖတ်မိလျှင် ``ဗုဒ္ဓဘာသာတရားက ဘာလဲဟ´´ ဟု ဝေဖန်မိကြပါလိမ့်မည်။ ထို့ကြောင့် ဖတ်ခဲ့ဖူးသော မုံရွေးဆရာတော်၏ သတပဒိကပုစ္ဆာကျမ်းလာ အဖြေကို ပြန်လည်စဉ်းစားရင်း တင်ပြလိုက်ခြင်းသာ ဖြစ်ပါသည်။

အပြုံးမပျက်တဲ့အမေ

စာပေဥယျာဉ်ဝတ္ထုတိုပြိုင်ပွဲဆုရ၀တ္ထုတို

          ``သား .... ကိုဦး ...။ လာပါအုံးကွယ် ... အဖေစကားနည်းနည်း ပြောချင်လို့´´

          `` ဟုတ်ကဲ့ ... ပြောပါအဖေ ´´

          `` ဒီလိုကွ ... သားနဲ့သမီး မင်္ဂလာဆောင်တုန်းကလဲ သားအမေ ဒေါ်နှင်း နေမကောင်းလို့ မလာနိုင်ဘူးမဟုတ်လား။ သားတို့လဲ မင်္ဂလာဆောင်ပြီးကတည်းက ဟန်းနီးမွန်းခရီးထွက်ကြတာနဲ့ ပြန်ရောက်တော့လဲ အလုပ်တွေနဲ့ပဲ နေ့စဉ် နပမ်းလုံးနေရတာနဲ့ဆိုတော့ ခုထိ သားအမေနဲ့လဲ အဆက်အသွယ်မရဘူးမဟုတ်လား ...။´´

          ``ဟုတ်ကဲ့အဖေ ... ရွာကလူတွေနဲ့လဲ တစ်ယောက်နဲ့မှ အဆက်မသွယ်မရဘူး။ အကြောင်းထူးရှိရင်တော့ သူတို့ အကြောင်းကြားကြမှာပါ´´

          `` ဒီလိုကွ ... အခုဆို သင်္ကြန်နားလဲ နီးလာပြီဆိုတော့ သားတို့လဲ ရုံးပိတ်တော့မယ်။ သမီးကိုလဲ ပွဲရုံပိတ်ခိုင်းထားလိုက်မယ်။ ဒီသင်္ကြန်မှာ သားနဲ့သမီး သားအမေဆီကို သွားကန်တော့ရင်း အဲဒီမှာ အချိန်ပေးနေကြဖို့ အဖေ ပြောချင်တာပါ´´

          သမာသမတ်ကျတဲ့ ယောက်ခမဖြစ်သူရဲ့ စကားကို ကြားတော့ ကိုဦး အလိုလို ကိုယ့်စိတ်ကို သိမ်ငယ်သလို ခံစားမိတယ်။ အမေနဲ့ အစ်မရဲ့ ကျေးဇူးတရားတွေကိုလဲ တစိမ့်စိမ့်ပြန်မြင်ယောင်မိတယ်။

*******

          သူ အသက် (၁၀) နှစ်သား ပဉ္စမတန်းကျောင်းသားဘ၀မှာ အဖေဆုံးခဲ့တယ်။ အဲဒီတုန်းကတော့ အစ်မက (၁၄)နှစ်သမီး (၈) တန်းကို ရောက်နေပါပြီ။ အဖေ့အရိပ်ကို ခိုရင်း အဖေရှာဖွေပေးသမျှကို ထောင့်စေ့အောင် စီမံပေးတတ်တဲ့ အမေ ...၊ ရုတ်တရက် အဖေဆုံးတဲ့အခါ လယ်လေး (၆)ဧကနဲ့ နွားနှစ်ကောင်၊ လှည်းတစ်စီးကလွဲပြီး ဘာမှ မကျန်ခဲ့တဲ့အပြင် နာတာရှည် အဖေ့ကို ကုလိုက်ရလို့ အကြွေးလဲ တော်တော်လေး တင်ခဲ့တယ်။

          ဒီအကြွေးတွေကို လယ်ရောင်းပြီး ဆပ်ပြန်ရင်လဲ လုပ်စားစရာ ဘာမှ ကျန်မှာ မဟုတ်တော့သလို ဒီလယ်ကို ဆက်လုပ်ဖို့ကလဲ သန်သန်မာမာ ထွန်နိုင်ယက်နိုင်တဲ့ ယောက်ျားသားက မရှိတော့ အမေဘာဆက်လုပ်မှာလဲ။ ဦးကြီး(အမေ့အစ်ကိုကြီး) ကတော့ ပြောပါတယ်။ သူရင်းငှားတစ်ယောက်လောက် ငှားပြီး လုပ်ရင်လုပ်၊ မလုပ်ရင်လဲ စပါးနဲ့ သူများကို သမန်းဖြစ်ထွန်ခိုင်းတဲ့။

         သူရင်းငှား ငှားမယ်ဆိုရင် အစအဆုံး စပါး တင်းငါးဆယ်လောက် ပေးရမယ်။ ထမင်းလဲ ကျွေးထားရမယ်။ အိမ်မှာလဲ နေခွင့် အိပ်ခွင့် ပေးထားရမယ်။ လူမမယ်သားလေးနဲ့ အပျိုပေါက်အရွယ်သမီးလေးနဲ့သာ ရှိနေတဲ့ မုဆိုးမမိသားစုထဲမှာ ဘယ်သူစိမ်းကိုမှ ညအိပ်ညဥ့်နေ နေခွင့် မပေးနိုင်ဘူး။ သမန်းဖြစ်ထွန်ဆိုတာကလဲ တစ်ဧကကို ဘယ်လောက်ဖြင် ဘယ်လောက် ထယ်ထိုးချိန်ကနေ စပြီး စိုက်ဖို့အဆင်သင့် သမန်းမြေဖြစ်သွားတဲ့အထိ ထွန်ရေးညက်ညက်ထွန်ပေးဖို့ ခိုင်းရမှာ။ မိုးလာ ရေလာလို့ သူစိုက်ကိုယ်စိုက် စိုက်နေတဲ့အခါ သူ့လယ်ပဲ ဦးစားပေးထွန်မှာပေါ့။ သူ့လယ်ပြီးမှ ကိုယ့်လယ်ကို လာထွန်ပေးမှာ။ ဒီအခါ စိုက်ချိန်နောက်ကျမယ်။ စိုက်ချိန်နောက်ကျရင် စပါးလဲ အထွက်လျော့မယ်။ သူ့ကိုလဲ စပါးပေးပြီး ခိုင်းရမယ်။ ကိုယ့်လယ်လဲ စပါးအထွက်လျော့မယ်။ ဒါမျိုးတော့ မလုပ်ချင် မလုပ်နိုင်။

          ``မလုပ်နိုင်တော့လို့ အသက်ထွက်ချင် ထွက်သွားပါစေ၊ ဘယ်သူ့လက်ဝေခံမှ အဖြစ်မခံနိုင်ဘူး။ ငါ့သမီးနဲ့သားကို ငါ့ခွန်အားနဲ့ ငါ မွေးမယ်´´

လို့ အားတင်းပြီး ဒီနှစ် အမေကိုယ်တိုင် လယ်ထဲ ဆင်းခဲ့တယ်။

*******

          ဒေါ်နှင်းတစ်ယောက် သားဇော သမီးဇောနဲ့ မနက်လေးနာရီလောက် အိပ်ယာကထ၊ ထမင်းအိုးထဲကို ရေများများထည့်ပြီး ကျို၊ ရေဆူတော့ ထယ်ထိုးရင်းသောက်ဖို့ ဓာတ်ဗူးထဲ တစ်ချို့ထည့်။ ကျန်တာကို ဆန်ထည့်ပြီး ထမင်းတစ်အိုး ချက်လိုက်တယ်။ ထမင်းရည်ငှဲ့ပြီး နှပ်ထားတုန်းမှာ သမီးနဲ့သားကျောင်းသွားရင်ထည့်သွားဖို့ မြေပဲကို လေးစိပ်ကွဲထောင်းထားတာလေးနဲ့ ငရုတ်သီးမှုန့်နဲ့ အရင်ကြော်၊ အဲဒီထဲ ဘဲဥဖောက်ထည့်၊ ငံပြာရည်ထည့်လိုက်တော့ ဘဲဥငံပြာရည်ချက် ချက်လိုက်တယ်။ ဘဲဥငံပြာရည်ချက် ကျက်တော့မှ မီးဖိုက မီးသတ်ပြီး မနေ့ညက ကျန်တဲ့ ထမင်းကြမ်းကို ငါးပိရည်နဲ့ ငရုတ်သီးမှုန့်နဲ့ ရောနယ်ပြီး အဆာပြေတ၀ စားလိုက်တယ်။ အားလုံး ပြီးတော့ မနက် ငါးနာရီတောင် ထိုးခါနီးပြီ။

          ``သမီး ... ဌေးဌေး ...။ ထတော့နော်။ အမေ လယ်ထဲ သွားတော့မယ်။ သမီး ... ထ .. ထ ..။ အိမ်တံခါးကို ပြန်ပိတ်လိုက်အုံးနော် သမီး´´

          သမီးကြီး ဌေးဌေးကို နှိုးခဲ့ပြီး နွားတပ် ထယ်တပ်ပြီး လယ်ထဲ ထွက်လာခဲ့တယ်။ ထယ်ထိုးတယ်ဆိုတာ အမြင်မှာသာ လွယ်ပေမယ့် ဒေါ်နှင်းအတွက်တော့ အကျင့်မရှိလို့ လွယ်တော့ မလွယ်လှ၊ မြေပြင်ကို ခြောက်လက်မ အနက်လောက် ဖြစ်အောင် ထယ်သွားနဲ့ ခွဲရ ဆွရတာမှာ နွားနှစ်ကောင်က ထယ်သွားကို ဆွဲသွားသည် ဆိုသော်လည်း ထယ်ကြောင်း တန်းအောင် ထယ်ကြောင်းချင်း စပ်အောင် လူက လိုသလို လိုက်ပြင်ပေးရသည်။ ထယ်တုံးကို တဖက်က ထိန်းရင်း နွားများဖြောင့်ဖြောင့် သွားအောင်လဲ မောင်းရသည်၊ ထယ်ကြောင်းများကြောင် မညီမညာဖြစ်နေသည့် မြေပြင်ပေါ်တွင် တစ်ပတ်ပြီး တစ်ပတ် လိုက်ရသည်မှာ ပင်ပန်းလွန်းလှပါသည်။ သို့သော် ငါ့သားနဲ့ သမီအတွက် ဟူသော စိတ်အတွေး ၀င်လာသည့်အခါ ပန်းသမျှပြေး၍ စမ်းတမျှ အေးရပါသည်။

          မနက် ၈ နာရီလောက်ထိ ထယ်ထိုးပြီး နွားများကို အနားပေးထားသည့်အချိန်တွင် ထယ်ထိုးစဉ်က လေးထောင့်စပ်စပ် လယ်ကွက်များ၏ ထောင့်အထိ ထယ်သွားမရောက်နိုင်သဖြင့် ကျန်နေသည့် လယ်ကွက်ထောင့်များကို ပေါက်တူးဖြင့် လိုက်ပေါက်ပေးရသည်။ အခုလို နားချိန်လေး လိုက်ပေါက်မှ တစ်ခါတည်း ပြီးမည်။ ထားခဲ့လျှင် နောက်မှ သတ်သတ် လိုက်ပေါက်နေရဦးမည်။ လက်နည်းခြေနည်း တစ်ယောက်ထဲသမားမို့ အချိန်ကုန် မခံနိုင်ပေ။

         ထယ်ထိုးစဉ်က ပင်ပန်းသလားထင်ရသည်။ လယ်ထွန်ချိန် ရောက်သည့်အခါ ပင်ပန်းရသည်က ပိုလို့ပင် ဆိုးလှပါသည်။ လယ်ကွက်ထဲတွင် ရေက ထယ်စာဖတ်တို့ ထိပ်မြုပ်လောက်သည်အထိ တင်နေသဖြင့် ထယ်စာများကတော့ နူးနေပြီ။ ထိုထယ်စာများကို အသွားခြောက်သွားပါသော ထွန်ဖြင့် လိုက်ခွဲရတော့မည်။ လယ်ချင်းနီးသည့် ကိုအောင်မြင့်က ကူညီ၍ ပြပေးပါသည်။ ထယ်စာအခဲများကို စချေသည့်အခါ ထောင့်ကြီးအုပ် ထွန်နည်းဖြင့် ထွန်ရသည်။ ထယ်စာကျေပြီးလျှင် နှစ်နံစပ် ထွန်ရသည်။ ထောင့်ကြီးအုပ်က ဘယ်လို၊ နှစ်နံစပ်က ဘယ်လို စသည်ဖြင့် သင်ပေးသည်။ မို့နေသော နေရာမှ မြေများကို ထွန်ဖြင့် တိုက်သွားပြီး ချိုင့်နေသော နေရာအရောက်တွင် ချထားခဲ့ရသည့် ထွန်သဘောတရားကိုလည်း လက်တွေ့ ပြပေးပါသည်။ ထွန်ချေးကန်သည်ဟု ခေါ်ပါသည်။

          သူလုပ်ပြစဉ်က ယောက်ျားအားနှင့်မို့ ထွန်တုံးလက်ကိုင်ကို ဆတ်ကနဲ ဆွဲမကာ ထွန်နှင့် ငြိပါလာသော မြေကြီးများကို ခြေဖနောင့်ဖြင့် ထိုးချလိုက်သည်မှာ လွယ်လွန်းလှပါသည်။ သူကိုယ်တိုင် ၀င်လုပ်ကြည့်သည့်အခါ ထွန်ကိုင်းတံကိုပင် ကြွအောင် မမနိုင်ပေ။ ထို့ကြောင့် ထွန်စာများ ချရမည့် နေရာရောက်လျှင် နွားကို ရပ်၊ ထွန်တုံးကို ပခုံးဖြင့် ပင့်ထမ်းပြီးမှ ချရသည်။ ခရီးကြာသည် ပင်ပန်းသည်ဟု ဆိုသော်ငြားလည်း အလုပ်တော့ ဖြစ်သွားပါသည်။ ဒါကိုပဲ ဒေါ်နှင်း ကျေနပ်လှပါပြီ။ ငါ့ခွန် ငါ့အား ငါ့သွေး ငါ့ချွေးတို့သည် ငါ့သားနှင့် သမီးအတွက် ပေးဆက်ရလေပြီတကား။ ဘယ်လောက်ပဲ ပင်ပန်း ပင်ပန်း အိမ်ပြန်ရောက်လို့ သားနှင့်သမီး သနပ်ခါး အဖွေးသားဖြင့် စာကျက်နေကြသည်ကို မြင်လျှင် ပန်းသမျှ ပြေရတော့သည်။ ဘယ်လောက်ပင်ပန်း ပင်ပန်း အမေ အပြုံးမပျက်ပါဘူး သားနဲ့ သမီးရယ်။

*******

          ``ဟဲ့ မိဌေး ... နင် ငါ့ကို ခွေးဖြစ်အောင် လုပ်နေတာလား ... ဟင် ...။ ငါ့စကားကို နင်နည်းနည်းမှ နားမထောင်ဘူး´´

          ``အမေ့စကားကို သမီး ဒီတစ်ခါတော့ နားမထောင်နိုင်ဘူးအမေ ...။ အမေ သမီးကို သတ်ချင်သတ် ရိုက်ချင်ရိုက်ပါ´´

          ``နင်တို့က နင်တို့အဖေမရှိလို့ ငါ့ကို အာခံချင်တာလား ...။ ဒီမှာ ငါ့မှာ လက်နှစ်ဖက် ခြေနှစ်ဖက် သန်သန်စွမ်းစွမ်း ရှိသေးတယ်။ ငါ့လက်နဲ့ ခြေနဲ့ နင်တို့ကို ကျွေးမထားနိုင်လို့လား´´

          ``ကျွေးမထားနိုင်လို့ ပြောတာ မဟုတ်ပါဘူးအမေရယ်။ သမီး စာကိုလဲစိတ်မ၀င်စားလို့ပါ။ ကျောင်းဆက်တက်ပြီး ဘွဲ့ရသွားတော့ရော သမီး ဘာလုပ်မှာလဲ။ ဘွဲ့လက်မှတ်ကြီးကိုင်ပြီး လယ်ထဲပြန်ဆင်းရမှာပဲ။ သမီး ကျောင်း မတက်ချင်တော့ဘူးအမေရယ်။ မောင်လေးတို့လို ယောက်ျားလေးဆိုရင်တော့ ဘွဲ့ရသွားလဲ ဘယ်နေရာ တာဝန်ကျကျ သွားရတာ အဆင်ပြေတယ်။ သမီးက ဘွဲ့ရလို့ အစိုးရတာဝန်နဲ့ လျှောက်သွားရမယ်ဆိုလဲ အမေ့ကို ထားပြီး မသွားချင်ဘူး။´´

          သမီးကြီးက လာမယ့်နှစ် ကိုးတန်းကို ဆက်မတက်တော့ဟု ဆိုလာသဖြင့် သားအမိနှစ်ယောက် အချေအတင် ပြောဖြစ်သည်။ မိမိပင်ပန်းနေတာကို သိလို့ တမင်ကျောင်းထွက်မှန်း သိသော်လည်း သမီးကြီး၏ အကြောင်းပြချက်ကလဲ ဟုတ်သလိုလိုဖြစ်နေသည်။ ကျောင်းတက်ပြီး အချိန်တွေ အများကြီး မပေးချင်တော့ဘူးတဲ့။ ကိုယ့်မာနနှင့်ကို အတင်းပြန်ထားပြန်ထားလျှင်တော့ ရသည်။ သို့သော် သမီးဆန္ဒအတိုင်း ထွက်ခိုင်းလိုက်လျှင် ခြံထဲမှာ ငရုတ် သခွား ကွမ်း စသည် စိုက်ခိုင်းထားလျှင် တဖက်တလမ်းက ၀င်ငွေ ပိုရနိုင်သည်။ နောက်ဆုံးတော့ ``သမီး အမေ့ကိုပဲ ကူပါရစေ အမေရယ်´´ ဆိုသည့် သမီးစကားကို အတည်ပြုပေးလိုက်သည်။ ဘ၀တိုက်ပွဲအတွက် ရဲဘော်တစ်ဦး တိုးတာပေါ့လေဟု ကြီးကြီးကျယ်ကျယ် တွေးမိရင်း ပြုံးမိရသေးတော့သည်။

          ဒီနှစ်က သမီးကြီးဌေးဌေးရဲ့ အကူအညီရတော့ သူကိုယ်တိုင် ထမင်းချက်ရ သက်သာသွားသည်။ တာဝန်တစ်ခု ပေါ့ပါးသွားသလို ခံစားရသည်။ ခြံထဲမှာလဲ ရုံးပတီ၊ ငရုတ်၊ သခွား၊ ဆနွင်း၊ ကြက်ဟင်းခါး စုံနေအောင် စိုက်ထားတာ တွေ့သည်။ ကွမ်းစိုက်ချင်သည်ဟု ပြောသည်။ ကွမ်းက ကရိကထများသည်။ ဖြစ်သွားလျှင်လဲ ၀င်ငွေ ကောင်းကောင်းရသည်။ ကိုယ်လဲ လုပ်မပေးနိုင်။ သူကိုယ်တိုင်လဲ မလုပ်တတ်သေး။ ထို့ကြောင့် ခြံတကာလှည့်ပြီး ကြည့်နေလေရဲ့။

          အခုတော့ မနက် ၇ နာရီလောက်ဆိုလျှင် သမီး လယ်ထဲလိုက်လာပြီး အဆာပြေလာပို့သည်။ နွားများကို အနားပေးရင်း လယ်ကွက် ထောင့်တွေကို ပေါက်တူးဖြင့် လိုက်ပေါက်နေသည်ကို သူတွေ့ကတည်းက နောက်နေ့များတွင် လယ်ထဲရောက်ကတည်းက သူ့ဘာသာ လိုက်ပေါက်တော့သည်။ အမေ့အပေါ် သိတတ်တဲ့ သမီးကြီးကို ကြည့်ပြီး အပန်းပြေရသလို ကျောင်းမှာ စာတော်သည့် သားငယ် စိုးနိုင်ဦးကြောင့်လဲ ပီတိဖြစ်ကာ အားသစ်ဝေရသည်။ ဘယ်လောက်ပင် ပင်ပန်းစေကာမူ သားလိမ္မာ သမီးလိမ္မာတို့ကြောင့် အမေ့မှာ အပြုံးတောင် မပျက်ခဲ့ရပါလေ။

*******

         ``အမေးးးးး ... သား ဂုဏ်ထူး သုံးဘာသာရတယ် အမေရေးးးးးးးးးး´´

          အိမ်ရှေ့ရောက်ကတည်းက အော်ဟစ်တက်လာတဲ့ သားအသံကြောင့် သားအမိသုံးယောက်လုံးရဲ့ အပျော်တွေက ရင်ထဲမှာ ဆို့တက်လာရတယ်။

          သမီးကြီးဌေးဌေးနှင့် သားအမိနှစ်ဦး တက်ညီလက်ညီ လုပ်ကိုင်လာခဲ့တာ ဒီနှစ်ဆိုရင် သူတို့အဖေလက်ထက်ကတည်းက တင်လာတဲ့ ကြွေးဟောင်းတွေကိုလဲ အကုန် ဆပ်နိုင်ခဲ့ပြီ။ အိမ်ကလေးကိုလဲ ပျဉ်းကတိုးသားနဲ့ သပ်သပ်ရပ်ရပ်ဖြစ်အောင် ပြန်ဆောက်နိုင်ခဲ့ပြီ။ အခုတစ်ခါ သားငယ်က ဆယ်တန်းကို ဂုဏ်ထူးသုံးဘာသာနဲ့ အောင်တယ်တဲ့။ ၀မ်းသာလွန်းလို့ ဘာမှ မပြောနိုင်ဘဲ သမီးကြီးကို ဖက်ထားရင်းက မျက်ရည်တွေ တလိမ့်လိမ့် စီးကျလာတယ်။ သွားလေသူကို စိတ်ထဲကနေ အလိုလို တမိပါရဲ့။ အပျော်လွန်လို့ မျက်ရည်ကျရာကနေ ၀မ်းနည်းမျက်ရည် ဖြစ်မသွားအောင် စိတ်ကို စုစည်းပြီး

          ``ဒါဆို သားတက်ချင်တဲ့ ဂျီဒီဘီဆိုလား ဘာလား တက်လို့ ရပြီပေါ့ ဟုတ်လားသား´´

          ``ဂျီတီစီပါအမေရ ... ဂျီတီစီ တက်လို့ ရပြီလေ´´

          ``အမေက သားကို တက္ကသိုလ်ကျောင်းသားကြီး ဖြစ်စေချင်တာ သားရဲ့´´

          ``သားအခု ဂျီတီစီတက်ရရင် နောက်နှစ်နှစ်ဆိုရင် အငယ်တန်းအင်ဂျင်နီယာလက်မှတ် ရမှာအမေရ။ အမှတ်ကောင်းရင်လေ ဘီတက်ခ်ျတို့ ဘီအီးတို့ပါ ဆက်တက်လို့ ရတယ်။ ဘီအီးဆိုရင်လေ အင်ဂျင်နီယာကြီးဖြစ်မှာ´´

          `` ဟယ် ဟုတ်လား ...  သားကြိုးစားနော်။ အမေက အင်ဂျင်နီယာကြီးရဲ့ အမေ ဖြစ်တော့မှာပေါ့ ... ၀မ်းသာလိုက်တာ ... ၀မ်းသာလိုက်တာ´´

          မုဆိုးမ မိနှင်း ... အင်ဂျင်နီယာအမေ ဖြစ်ရတော့မှာပေါ့။ အတွေးနဲ့ ဖြစ်လာတဲ့ ပီတိက အလိုလို အားအင်တွေ ပြည့်လာရသလိုပဲ။ ဒီနှစ်တွေအတွင်းမှာ ယောက်ျားတွေနဲ့ တန်းတူ ရင်ဘောင်တန်းပြီး လယ်ထွန်ရ ထယ်ထိုးရနဲ့ဆိုတော့ ကိုယ့်အသက် ၄၅ နှစ်ဆိုတာတောင် မသိတဲ့လူကို ကျိန်တွယ်ပြောရမလောက် အိုစာသွားခဲ့ပါပြီ။ ဘာပဲဖြစ်ဖြစ်လေ ...။ ရုပ်ဆိုတာ တစ်ချိန် အိုရမှာပဲ။ ကိုယ့်ရင်သွေးကလေးတွေ လူတန်းစေ့အောင် ထားနိုင်မယ်ဆိုရင် အိုရုံမကလို့ လဲကျသွားရင် သွားပါစေ။ အမေအပြုံးမပျက်ပါဘူး။ ဆယ်တန်းအောင်တောင် ရှားပါးနေတဲ့ တစ်ရွာလုံးမှာ ကိုယ့်သားက အင်ဂျင်နီယာလောင်း။ မုဆိုးမဘ၀နဲ့ ကိုယ့်သားကို ဒီလိုဘ၀မျိုးထိ မြေတောင်မြှောက်ပေးနိုင်တာ ဂုဏ်ယူစရာ။ ဒါကြောင့် အခုနေ ပင်ပန်းချင်သလောက် ပင်ပန်းပါစေ၊ သားငယ် အင်ဂျင်နီယာကြီးဖြစ်တော့မှပဲ အင်ဂျင်နီယာကြီးရဲ့ အမေဘ၀နဲ့ ဂုဏ်တင်လိုက်တော့မယ်။

*******

          ``အမေ ... ဒါကတော့ သားဇနီး ခင်သူဇာပါ အမေ ...။ သူဇာ ...။ ဒါကတော့ ကိုယ့်မေမေပါ။ ဒါကတော့ ကိုယ်ပြောပြေနေတဲ့ ကိုယ့်မမကြီး မဌေးဌေးပါ´´

          ``ဟုတ်ကဲ့ ...။ သမီးလဲ တွေ့ရတာ ၀မ်းသာပါတယ်အမေနဲ့ မမကြီး။ သမီးကိုလဲ ဆုံးမစရာရှိရင် ဆုံးမပါနော်´´

          ``လက်ရှိတော့ အိမ်က ပွဲရုံကို သူပဲ ဦးစီးလုပ်နေပါတယ် ...။ သားကလဲ ရုံးပိတ်ရက်တွေမှာ သူ့ကို ကူနေရတော့ အမေ့ဆီ မလာဖြစ်တာပါ´´

          ``ငါ့ချွေးမလေးက တော်လိုက်တာအေ ...။ ချောကလဲ ချောလိုက်တာ ...။ ငါ့သားလေး ကံကောင်းလိုက်တာ ...။ အမေဖြင့် ဘယ်လို ၀မ်းသာမှန်းမသိဘူး´´

          အမေ့စကားအဆုံးတွင် အစ်မကြီးက ဘာမပြော ညာမပြော ဆောင့်ဆောင့်နှင့် အိမ်ခန်းတွင်း ၀င်သွားသည်။ ဇနီးဖြစ်သူ ခင်သူဇာကို လှမ်းကြည့်လိုက်တော့ ခင်သူဇာလဲ သူ့ကို ပြန်ကြည့်နေသည်နှင့် အကြည့်ချင်းဆုံသွားသည်။

          အစ်မကြီး သူ့ကို ချစ်သလောက် ဘယ်လောက်စိတ်နာနေသည်ကို ကိုယ်သာ အသိဆုံးမို့ အစ်မကြီးကိုလဲ အပြစ်မတင်ရက်သလို ဇနီးဖြစ်သူ အနေကြုံ့မှာကိုလဲ စိုးရိမ်မိသည်။ သားအမိနှစ်ယောက် ပင်ပင်ပန်းပန်းဖြင့် လယ်လုပ်ပြီး မိမိကို BE(Civil) ဘွဲ့ရသည်အထိ ကျောင်းထားပေးခဲ့သည်များကို သတိရလေလေ ကိုယ့်ကိုယ်ကို ယူကြုံးမရဖြစ်လေလေ။ နောင်တ တနင့်တပိုးဖြင့် အမေ့ကို မချိပြုံး ပြုံးပြနေရသော်လည်း အမေ့အပြုံးကတော့ သန့်စင်လွန်းလှသည်။ ကိုယ့်ရဲ့ ပျော့ညံ့မှု ဘ၀င်မြင့်မှုတွေကို တွေးမိတိုင်း ကိုယ့်ကိုယ်ကို စက်ဆုပ်မိသည်။

          ဘွဲ့ရပြီး သူဇာတို့ မြို့ကလေးကို မြို့နယ်ဆောက်လုပ်ရေးအင်ဂျင်နီယာအဖြစ် ရောက်ခဲ့ပြီး မကြာမီ သူဇာနှင့် ဆုံစည်းခဲ့ရသည်။ မြို့နယ်အင်ဂျင်နီယာ ဖြစ်လာတော့ ဆက်ဆံရတဲ့အသိုင်းအ၀ိုင်းကလဲ မြို့နယ်မှာ ထိပ်ထိပ်ကျဲတွေနဲ့ချည်း ဆက်ဆံလာရတယ်။ ဒီအသိုင်းအ၀ိုင်းကြားမှာ နေလောင်ထားလို့ ညိုညစ်နေတဲ့ အသားအရေနဲ့ ပြောင်းဖူးဖက်ဆေးလိပ်ကိုမှ အားရပါးရသောက်ပြီး စကားကိုလဲ ချိုချိုသာသာ မပြောတတ်ဘဲ ဘွင်းဘွင်းရှင်းရှင်း ပြောတတ်တဲ့ မိန်းမကြီးတစ်ယောက်ကို

          ``ဒါ ငါ့အမေပါ´´

လို့ မပြောဝံ့ မပြ၀ံ့ခဲ့။ အင်ဂျင်နီယာကြီးရဲ့ အမေအဖြစ်နဲ့ ဂုဏ်တင်လိုက်မဟဲ့ဆိုတဲ့ အမေ၊ သားဖြစ်သူအင်ဂျင်နီယာကြီးကို လာကြည့်ချင်လိုက်တာဆိုတဲ့ အမေ့ကို သူ့ဆီ လာမှာ စိုးရိမ်လို့ အမျိုးမျိုးအကြောင်းပြခဲ့တာတွေဟာ တွေးမိတိုင်း ကိုယ့်ကိုယ်ကို ကြုံ့ဝင်သွားသလို ခံစားရတယ်။

          အဆိုးဆုံးကတော့ သူဇာနဲ့ မင်္ဂလာဆောင်တော့မယ်ဆိုတဲ့အခါ သူဇာ့မိဘတွေကတော့ ဖိတ်ခိုင်းပါလျက် အမေ့ကို ဒီအသိုင်းအ၀ိုင်းထဲမှာ အမေလို့ မကြေငြာရဲတာနဲ့ ``သူဌေးအသိုင်းအ၀ိုင်းမို့ အမေမလာခဲ့ပါနဲ့´´လို့ အတ္တကြီးစွာ ပြောခဲ့ မှာခဲ့မိတယ်။ တကိုယ်ကောင်းဆန်လွန်းတဲ့ ကိုယ့်ကိုယ်ကို ပြန်တွေးမိတိုင်း စက်ဆုပ် ရွံရှာမိလိုက်တာ။

          ယောက္ခမတွေက အဆင့်အတန်း မခွဲခြားဘဲ ချစ်ကြတာ မြင်တော့ အမေနဲ့ အစ်မကို သတိရလိုက်တာ။ ဒါပေမယ့် ကိုယ့်အပြစ်နဲ့ ကိုယ်မို့ သွားလဲ မသွားရဲ၊ ခေါ်လဲ မခေါ်ရဲနဲ့ အမြဲတမ်း လိပ်ပြာငယ်နေခဲ့မိတယ်။ သူဇာ့အဖေရဲ့ တိုက်တွန်းမှုကြောင့် အမေ့ဆီ လာလို့သာ လာရပေမယ့် စိတ်ထဲမှာ မ၀ံ့မရဲဖြစ်နေတဲ့အထဲ အစ်မကြီးရဲ့ ဆက်ဆံရေးကြောင့် ချက်ချင်းပဲ ပြန်ပြေးချင်လာမိတယ်။

          ``သားလေးတို့ သမီးလေးတို့ အခု သင်္ကြန်ပိတ်ရက်ကလေးမှာ အမေ့ဆီမှာနေနော်။ အမေက သားလေးတို့ဆီ လာလို့က မရဘူးလေ။´´

          အမေ့စကားသံကြောင့် ထိတ်ကနဲ ဖြစ်သွားမိတယ်။ အမေ့ကို ကြည့်လိုက်တော့ အမေ့မျက်ဝန်းမှာ သားကို ခင်တွယ်တဲ့စိတ်နဲ့ လက်နေတဲ့အရောင်က ရင်ကို နင့်သွားစေတယ်။

          ``သမီးတို့လဲ ဒီမှာပဲ နေမှာပါ အမေရဲ့ ...။ အပြန်ကျရင် အမေလဲ သမီးတို့နဲ့ လိုက်ခဲ့လေ´´

သူဇာက အမေ့ကို ခင်တွယ်စွာ ပြောလိုက်တော့ အမေ့မျက်နှာလေး ညှိုးသွားပြီး သူ့ကို ကြည့်လိုက်တယ်။

          `` ဟုတ်တယ်အမေ ...။ သားတို့ ပြန်ရင် အမေရော အစ်မပါ သားတို့နဲ့ လိုက်လည်ပါနော်´´

          ``ငါတို့ရုပ်ရေတွေက စုတ်စုတ်ပြတ်ပြတ်နဲ့ မင်းဂုဏ်ငယ်နေပါ့မယ် မောင်လေးရယ် ...။ အစ်မ မလိုက်တော့ပါဘူး´´

အိမ်ခန်းထဲမှ အစ်မကြီးစကားသံက ရင်ကို နင့်သွားစေတယ်။

          ``အမေနဲ့အစ်မအပေါ်မှာ သားတာဝန်မကျေခဲ့တာ ပြစ်မှားခဲ့မိတာတွေအတွက် ရိုသေစွာ ကန်တော့ တောင်းပန်ချင်လို့ပါ။ သားအပြစ်တွေ ကျေတဲ့အထိ အမေနဲ့ အစ်မကို သားအိမ်ဦးခန်းမှာထားပြီး ပြုစုလုပ်ကျွေးပါရစေဗျာ´´

          ``သမီးရယ် ...။ မောင်လေးကို ဒီလို မပြောပါနဲ့ ...။ သမီးလေးသူဇာ  ...။ စိတ်မကောင်းမဖြစ်နဲ့နော်။ သမီးကြီးက သူ့မောင်လေး မလာတာကြာလို့ စိတ်ဆိုးလို့ ပြောတာ´´

          အော် .... အမေရယ် ...။ သားရဲ့ အတ္တတွေ မာနတွေကို အမေ့မေတ္တာနဲ့ တစ်ခါတည်း အရေဖျော်ပေးလိုက်တာလားဗျာ။ သားရဲ့ အတ္တမာန်မာနတွေကြောင့် အခုဆို သားလဲ နောင်တတွေနဲ့ ပူလောင်နေရပါပြီ အမေရယ်။ အမေက ခွင့်လွှတ်လေလေ သားမှာတော့ ပူလောင်ရလေလေပါ။ အမေနဲ့ အစ်မသာ မြေတောင်မြှောက်မပေးခဲ့ရင် သားလဲ အမေတို့ အစ်မတို့လဲ လယ်ထဲ ခြံထဲမှာ နေလောင်ထားတဲ့ အသားအရေနဲ့ ချွေးဒီးဒီးကျအောင် လုပ်ရမှာပါ။ ဒီကျေးဇူးတွေကို မေ့ပြီး တစ်ခဏတာ မာန်တက်မိခဲ့တဲ့ သားကို ခွင့်လွှတ်ပါ အမေရယ်။ သားဘ၀မှာ ဒီစိတ်ဓာတ်မျိုး နောက်ထပ်ဝင်မလာစေရပါဘူးလို့ ကတိပေးပါတယ်။

          နောင်တတွေ တနင့်တပိုးနဲ့ အမေ့မျက်နှာကို မော့ကြည့်လိုက်တော့ သားကို ချစ်မြတ်နိုးစိတ်နဲ့ ကြည့်နေတဲ့ ကြည်စင်ရွှန်းလက်တဲ့ အမေ့ရဲ့ အပြုံးကို မျက်ရည်ကြားကနေ ၀ိုးတ၀ါးးးးးးးးးးးးးး

          အမေရယ် ... ကာယိကဒုက္ခ စေတသိက ဒုက္ခလို့ ခေါ်တဲ့ ကိုယ်ဆင်းရဲ စိတ်ဆင်းရဲတွေနဲ့ အမေ လောကဓံကို ဘယ်လောက်တောင် ဖြတ်သန်းခဲ့ဖြတ်သန်းခဲ့ အမေ့အတွက်အားဆေးဟာ သားပဲဖြစ်နေပါလား။ သားရဲ့ မှားယွင်းတဲ့ မာန်တွေကြောင့် အမေလဲ ၀မ်းနည်းကောင်း နည်းခဲ့ပေလိမ့်မယ်။ ဒါပေမယ့် သားရဲ့ မာန်ချိုးပြီး တိုးလျိုးနေတာက အမေ့ရင်ထဲက ခံစားချက်ကို မြူမှုန်လေးတစ်ခုစာတောင် မကျန်အောင် ခွင့်လွှတ်နိုင်စွမ်းရှိပါလား။ သားမှာသာ နောင်တတွေ တနင့်တပိုးနဲ့ ရင်ကျိုးမတတ်ဖြစ်နေပေမယ့် ခွင့်လွှတ်တတ်တဲ့ အမေကတော့ အပြုံးမပျက်ပါလေ။

          အားလုံးရွှင်လန်းချမ်းမြေ့ကြပါစေ။ မိဘနှင့် ပတ်သက်သော နောင်တများ ကင်းဝေးကြပါစေဗျာ။ သူငယ်ချင်းအားလုံးကို လေးစားလျက် (ဆန်းစုနိုင်)

လွမ်းမိတယ်

ပန်းတွေမြင်လျှင်

ဆွတ်ကြင်ချိုမွှေး ပန်းရောင်ပြေးလျက်

နုထွေးနီမြန်း ခင့်နှုတ်ခမ်းကို

ဝေးဝေးကမှန်း လွမ်းမိတယ်.....။



ကြယ်တွေတွေ့လျှင်

သခင့်မျက်ဝန်း ... လဲ့ရွှန်းကြည်စင်

ရင်ခွင်လင်းလက် .... တသက်သက်မို့

ရက်ဆက်ညစဉ် ... လွမ်းမိတယ် ....။



ဘာသာသီကျူး ... ငှက်သံမြူးလျှင်

ချစ်ဦးနှစ်သက် ... စုံမက်တေးသွား

ဘယ်ချိန်ကြားလဲ

ကြားဆဲချိန်တိုင်း .... လွမ်းမိတယ် ....။

ဖော်အဲဗားရွာ စုပေါင်းအလှူပွဲ

Posted by ဆန်းစုနိုင် on မေ 16, 2011 at 1:39am


          ယနေ့ နေမထွက်ခင်ကတည်းက ဖော်အဲဗားရွာထိပ်မှာ ထန်းလျက်ခဲကို ပုရွက်ဆိတ်ဆွဲသလို ခြိမ့်ခြိမ့်သဲသဲ စည်းကားနေလေရဲ့။ ဖော်အဲဗားရွာစုပေါင်းရှင်ပြုအလှူပွဲအတွက် ၀ါးထမ်းဝါးခုတ် လုပ်တဲ့သူက လုပ်၊ သက်ကယ် ထရံတွေကို ရွာထဲကနေ သယ်ယူလာသူက သယ်၊ ဆန်ပြာတဲ့သူက ပြာ၊ မြက်ရှင်းတဲ့အဖွဲ့က ရှင်းနဲ့ မြိုင်ဆိုင်လွန်းလှပါတယ်။
           မလှမ်းမကမ်း သစ်ပင်တန်းတွေကြားထဲမှာတော့ သူကြီးဦးအဆွေတော်လေး၊ ဦးဝင်းထွန်းဆန်း၊ ဦးဒီလူ၊ ဦးနောင်ချို၊ ဦးထူးအောင်စတဲ့ အဘိုးကြီးတအုပ် လက်ဖက်သုတ် သင်္ဂြီုဟ်သရုပ်ခွဲနေကြလေရဲ့။ ရွှေဓူဝံ၊ ကောင်းမင်းလူ၊ ဘုန်းဝေ၊ သီဟံ၊ မင်းမင်းသိုက်စတဲ့ လူလတ်ပိုင်းတွေကတော့ လူငါးသောင်းဆန့် ယာယီမဏ္ဍပ်ကြီး ဆောက်လုပ်နေကြပါတယ်။ တိုင်တွေတော့ ထူပြီးပါပြီ။ အမိုးတက်မိုးဖို့အတွက် ဘုန်းဝေက သူ့ပုဆိုးကို ကျစ်နေအောင်လိမ်ပြီး တင်ပါးနှစ်လုံးကြားထဲညှပ်ကာ ခါးတောင်းကျိုက်ပြီးတော့ လွှားကနဲ အပေါ်တက်သွားပါတယ်။ ဘုန်းဝေတက်တော့ ရန်နိုင်ခတို့ စည်သူအောင်တို့လဲ လိုက်တက်ကြပါတယ်။ အောက်ကနေ သက်ကယ်ပေးနေတဲ့ ကိုအောင်မင်းက
          ““ဘုန်းဝေ မင်းဟာက တန်းလန်းကျနေတယ် ပြင်လိုက်အုံး””
ဆိုတော့ ဘုန်းဝေက သူ့ခါးတောင်းကျိုက်ကလေးကို လက်နဲ့ပြန်စမ်းနေပါတယ်။ ကိုအောင်မင်းက
          ““ဟိတ်ကောင် မင်းဘာလိုက်စမ်းနေတာလဲ။ ငါပြောတာ မင်းမိုးထားတဲ့ သက်ကယ်တွေ တန်းလန်းကျတာကို ပြောတာဟ”” ဆိုတော့မှ ရှက်ကိုးရှက်ကန်းနဲ့ ပြန်ပြင်နေပါတယ်။ တရားဆွေးနွေးနေတဲ့ အဘိုးကြီးဝိုင်းမှာတော့ သူကြီးက
           ““ဒါက ဒီလိုရှိပါတယ် ကိုဒီလူ””
          ““ဟော့ဝက်တဂျီး””
          တော်ဝင်နန်းသုတ်ပေးတဲ့ ပုဇွန်ခြောက်နိုင်းချင်းနဲ့ လက်ဖက်သုတ်ကို အားရပါးရတုတ်နေတုန်း သူကြီးက အလိုက်မသိစွာ ပြောလိုက်တော့ ကိုဒီလူခမျာ ဟုတ်ကဲ့လို့တောင် ပီအောင်မပြောနိုင်ရှာပါဘူး။ ပါးစပ်ထဲကဟာတွေ ထွက်ကျမှာစိုးလို့ လက်နဲ့ကာထားတာတောင် တဂျီးလို့ ပြောလိုက်တဲ့အချိန်မှာ ပုဇွန်ခြောက်တစ်ကောင်ပြုတ်ကျသွားလို့ ခပ်တည်တည်ပဲ ပြန်ကောက်စားနေ ပါတယ်။ ရေနွေးလာလိုက်ပေးတဲ့ ကေဇင်က ငတ်ကြီးကျရန်ကောဆိုပြီး သူ့ကို မျက်စောင်းထိုးသွားပါတယ်။ သူကြီးက
          ““အ၀ိဇ္ဇာ ပစ္စယာ သင်္ခါရာတဲ့ဗျာ ဘုရားဟောထားတာ .... ဟိုကောင်မင်းမင်းသိုက် ... မင်းနှီးချည်တာ မဟုတ်သေးဘူး ... သေသေချာချာ ချည်စမ်း။ မအေးမြ ... ကြက်သွန်လှီးပြီးရင် ကောင်လေးတွေကို ပုစွန်ခြောက်တွေ ရွေးခိုင်းထားနော်””
လို့ မန်နေဂျမင့် လုပ်လိုက်ပါတယ်။ ပုဇွန်ခြောက်နှိုက်စားမလို့ ကြံနေတဲ့     ရှင်ထွေးလေးနဲ့ လေဒီဖူးတို့တော့ တော်တော်ပျော်သွားပါတယ်။
          ““မသိမှုအ၀ိဇ္ဇာကြောင့် ကျွန်တော်တို့ဟာ ကုသိုလ်အကုသိုလ်သင်္ခါရတွေ လုပ်နေကြတာမဟုတ်လားဗျာ””
          ဆိုပြီး ၀ိုင်းဘက်ပြန်လှည့်လာတဲ့အခါ သူကြီးလစ်ပြီဆိုပြီး ပုဇွန်ခြောက်ဖတ်ချည်း နှိုက်စားနေတဲ့ ဦးဝင်းထွန်းဆန်းက ရှက်ကိုးရှက်ကန်း အမ်းလို့ ပြောလိုက်ရပါတယ်။
အဲဒီချိန်မှာပဲ ပုတီးစိပ်သွားသင်နေကြတဲ့ မောင်ရှင်လောင်းမိုးစက်တို့ လပြည့်တို့ လင်းလက်တို့   ဖြိုးမင်းသန့်တို့ စောထူးတို့တတွေ
          ““ချာရစ်ကလေးမပျောက်ခင် ..... ထွက်ခဲ့စေချင် ..... လိင်ပြန်ရင်ဆံရှည်ထားပါနဲ့ ..... သန်းတွေကများ””
ဆိုတဲ့ ဘယ်သူစပ်ထားမှန်း မသိတဲ့ကဗျာကို ဆိုပြီး ဖုန်တလုံးလုံးနဲ့ ပြန်လာကြပါတယ်။   အဲဒါကို ရေခပ်ထင်းခုတ် အောက်ခြေသိမ်းအလုပ်တွေ လုပ်နေရရှာတဲ့ မုတ်သုံက စိတ်ပေါက်ပေါက်ရှိတာနဲ့
           ““အေး ... မင်းတို့က မြင်းလားစီးရတော့မယ် ဆိုတာနဲ့ ပျော်နေကြတာပေါ့ ဟုတ်လား။ ကျောင်းရောက်မှ ““ကပ္ပိယအဘိုးအို ..... ဆိုးလှတယ်ဆို ..... ဒို့ကိုရင်ထိပ်ပြောင်သားကို ..... ခေါင်းခေါက်လိမ့်လား”” ဖြစ်နေမှာ မြင်ယောင်သေးတယ်လို့ ပြောလိုက်ပါတယ်။
ပန်းနှင်းဆီက
          ““သူကြီး ... ရွာသားတွေကို ယိုကျွေးဖို့လေ ထန်းလျှက်ဖာတွေ မရောက်သေးဘူး””လို့ ဆိုတော့ သူကြီးက
          ““အေး ဟုတ်တယ်၊ အဲဒီနောက် တစ်ယောက်တော့ လိုက်ခိုင်းအုံးမှဟ””
လို့ ပြောရုံရှိသေးတယ် အဘိုးထူးအောင်က
          ““ဖာနောက်တော့ ကျွန်တော်ပဲ လိုက်လိုက်မယ်သူကြီး””လို့ ပြောပြီး ““ဖိုးပြန့် မင်းက ရှင်ဥပဂုတ်ပွဲပြင်ထား၊ ငါ ဖာနောက် လိုက်လိုက်အုံးမယ်””ဆိုတော့ ကိုနေကလဲ ဘိုးထူးအောင် ကျွန်တော်ပါ လိုက်မယ်ဆိုပြီး လိုက်သွားပါတယ်။
           အမျိုးသမီးဝိုင်းမှာတော့ ပုဇွန်ခြောက်ရွေးနေရင်း တန်ခူးက ကိုရီးယားကားအကြောင်းပြောနေတာကို နားထောင်ပြီး ခင်သူဇာနဲ့ ဖူးတို့ ပုဇွန်ခြောက်တွေ နှိုက်စားနေကြလေရဲ့။ ဆန်ပြာနေတဲ့ ၀ိုင်းမှာတော့ သဲသဲရုတ်ရုတ် ဖြစ်နေပါတယ်။ ဘာဖြစ်လို့လဲ ဆိုတော့ စပါးလုံးရွေးပြီးပစ်ထားတာ လာစားတဲ့ဘဲတွေကို အကြံကုန်လို့ ဂဠုန်ဆားချက်မယ်ဆိုပြီး မေဦးမွန်က လိုက်နင်းနေလို့ ဖြစ်ပါတယ်။
           ““ဟဲ့ဟဲ့ ဟင်းအိုးတွေထဲ ဖုန်တွေဝင်ကုန်မယ်””
လို့ ဒေါ်ကြီးသီ ဟန့်လိုက်တော့မှပဲ ငြိမ်သွားပါတယ်။
           ဒီလိုနဲ့ပဲ နေလဲ ထန်းတစ်ဖျားမက မြင့်တက်လို့ လာပါပြီ။ အလှူမဏ္ဍပ်ကြီးဟာလဲ ခြူးပန်းခြူးနွယ် ဆင်စွယ်ဝမ်းယှက် တံခွန်ကုက္ကာား မုလေးပွားကြက်လျှာ အဆင်တန်ဆာစုံနဲ့ ပြည့်စုံစွာ ဆောက်လုပ်ပြီးစီးသွားပါပြီ။ နောက်နေ့ဆိုရင်ပဲ အလှူရှင်လောင်းလှည့်ပါတော့ မယ်ခင်ဗျာ။

*********************************

          ယနေ့တော့ မိုးမလင်းခင်ကတည်းက တစ်ရွာလုံး နိုးနေကြပြီ။ အကြောင်းကတော့ အသံချဲ့စက်ဆရာ ကိုဒီလူက မနက်သုံးနာရီလောက်ကတည်းက
           ““ကွီ .... ဟယ်လို တက်စလီ ...(တက်စတင်းမဟုတ်ပါ) ၀မ်း တူး သရီး လေး ..... ဟလိုတက်စလီ ၀မ်း တူး သရီး လေး””
ဆိုပြီး ထအော်နေသဖြင့် ဘယ်သူမှ မအိပ်နိုင်ကြသည့်အတူတူ  အလှပြင်ကြ၊ နွားစာရေထည့်ကြဖြင့် နိုးထကုန်ကြတော့သည်။ ဒီနေ့ ဖော်အဲဗားရွာ စုပေါင်း ရဟန်းခံ ရှင်ပြု အလှူနေ့။
           အစကတော့ ရှင်ပြုသက်သက်တင်ပါ။ ဒါပေမယ့် မဏ္ဍပ်ဆောက်ပြီးခါမှ မတောက်တခေါက်ပညာလေးနဲ့ ကျွန်တော် တွက်ချက်ပေးလိုက်တော့ မုတ်သုံမှာ ထိပ်ခတ်ကြိုးချည်မြင်နေတယ်ဗျ။ အာရုံထဲမှာလဲ သွေးရဲရဲ သံရဲရဲနဲ့ သေပွဲဝင်နေရှာတာမြင်တယ်။
           ““မုတ်သုံ မင်းအ၀တ်ပြောင်းရင်ပြောင်း မပြောင်းရင် ဘ၀တစ်ပါးပြောင်းသွားနိုင်တယ်””
လို့ ကျွန်တော်က သတိပေးလို့ ဘိုးထူးအောင်အပူကပ်ပြီး ဒုလ္လဘရဟန်းခံမယ်ဖြစ်တာဗျ။ (မှတ်ကရော မုတ်သုံ၊ ငါ့ကို နင် အဆိပ်တိုက်ထားတာ နင့်ကို ငါ ဂတုံးတုံးပစ်လိုက်တယ်)။ ဘိုးထူးအောင်ကလဲ ကုန်စုံဆိုင်သာပြောတယ် ကောင်မလေးတွေကျတော့ ပိုက်ဆံနဲ့ ရောင်းတာမဟုတ်တော့ ငွေက သိပ်မပြေလည်ဘူး။ (မယုံရင် မေကို့သာ မေးကြည့်ပါ)။ ဒါပေမယ့် မုတ်သုံက ပူဆာလွန်းတော့လဲ လုပ်ပေးရတော့တာပေါ့။ ဒီလိုနဲ့ဒုလ္လဘရဟန်းခံပါ ပါဝင်သွားပါတယ်။ အမျိုးသမီးခေါင်းဆောင်တွေဖြစ်ကြတဲ့ မအေးမြတို့၊ မမော်တို့ အပျိုကြီးအဖွဲ့က ရှင်လောင်းပြင်ပေးဖို့ တာဝန်ယူကြပါတယ်။ တောရွာဆိုတော့လဲ သဘာဝပစ္စည်းလေးတွေနဲ့ လှအောင် ပြင်ကြရတာပေါ့ဗျာ။
           မဏ္ဍပ်ဆောက်တဲ့နေ့ကတည်းက လုံးပြီး နေလှန်းထားတဲ့ ရွှံ့စေးတုံးတွေကို သွေးပြီး အောက်ခံအနေနဲ့ လိမ်းပေးလိုက်ပါတယ်။ လယ်ကွင်းထဲဆိုတော့ ရွှံ့ကတော့ သန့်ပါတယ်။ လှမ်းထားတုံးကသာ အဲဒီပေါ် ကြွက်ပုပ်ကို ကြောင်က ချီလာပြီး ပစ်ထားလို့ ဘယ်သူမှမမြင်ခင် မအေးမြ ကောက်ပစ်လိုက်တော့ ရှင်လောင်းတွေ မသိလိုက်ပါဘူး။ မမော်က
           ““ဟဲ့ မဖူး ... ပါးနီလိမ်းဖို့ အုတ်နီခဲအကျိုးလိုက်ရှာစမ်း”” ဆိုတော့ ဖူးက အလွယ်တကူပဲ လှေကားခုံအောက်က အုတ်ခဲကျိုးကို ခုံဖိနပ်နဲ့ ရိုက်ခွဲပြီး ယူလာပေးတယ်။ ရှင်လောင်းတွေက အိမ်ပေါ်မှာဆိုတော့ မမြင်ပါဘူး။ အုတ်နီခဲမှုန့်လေးနဲ့ ပါးနီဆိုးပေးပြီး မျက်ခုံးမွှေးဆွဲဖို့ဆိုပြီး လက်ဖက်ခေါင်းပုပ်ခွက်ကို ကြည့်တော့ လောက်နှစ်ကောင်တွေ့တယ်။ မသီက ရှင်လောင်းတွေမမြင်အောင် ဖယ်ပြီး ဆွဲပေးလိုက်ပါတယ်။ ခေါင်းပေါင်းမရှိတော့ ယပ်တောင်ကို နောက်မှာစိုက်ပြီး  တဘက်နဲ့ ခေါင်းမှာပတ်လိုက်တယ်။ ဆွဲကြိုးကတော့ ဥတစ်လုံးကြက်သွန်ဖြူတွေကို အခွံသင်ပြီး သင်အူနဲ့သီထားတာ တစ်ယောက်တစ်ကုံးဆွဲပေးလိုက်တယ်။ အပျိုကြီးမမများဟာ သို့ဂလို စိတ်ရှည်လက်ရှည် ရှင်လောင်းဆင်ပြီးတော့ အပျိုကြီးမမများက မဏ္ဍပ်ရှိရာကို ခေါ်သွားကြပါပြီ။
           မောင်ရှင်လောင်းများ စုံပါပြီ။ ကိုနေရဲ့ ထန်းတောထဲရောက်နေကြတဲ့ မြင်းအဖွဲ့ကိုလဲ ကာလသားခေါင်း ကိုမိုးမြင့်က ခေါ်ဆောင်လာလို့ မြင်းလားကိုယ်စီ စီးပြီး ရောက်လာကြပါပြီ။ စက်ဆရာကိုဒီလူရဲ့ အသံချဲ့စက်က ပလုတ် ဗြုန်းဆိုတဲ့ ဗျောသံနဲ့အတူ လူတွေရဲ့ အသည်းနှလုံးမှာလဲ ပလုတ်ဗြုန်းကာ အုံးကနဲထိတ် ရင်မှာထိတ်ကာ ဘ၀င်ငြိမ့်စေမယ့် ရှင်လောင်းလှည့်ပွဲ စတင်ပါပြီ။ ဗျောနောက်ခံနဲ့အတူ သူကြီးအဆွေတော်လေးက မိုက်တစ်လုံးနဲ့ နေရာချနေပါတယ်။
           ““ရှေ့ဆုံးက သာသနာ့အလံကိုင်မယ့် မင်းမင်းသိုက်က သွားရပါမယ်။ မင်းမင်းသိုက်နောက်ကမှ စောမင်းလူနဲ့ ဘုန်းဝေက ကြေးစည်ထမ်းလို့ လိုက်ပါပို့ဆောင် .... အဲလေ နာရေးနဲ့ မှားနေပြီ လိုက်ပါပေးရပါမယ် .... ဟိုကောင် ဖိုးပြန့် ရွှေထီးသွားယူတာမရောက်သေးဘူးလား .... မအေးမြက ကန်တော့ပွဲရွက်မယ့်လူတွေ ခေါ်တော့လေ ဘာလုပ်နေတာလဲ .... အဟမ်း အဟမ်းပေါ့ဗျာ .... ပရိသတ်တွေ ငြိမ်ငြိမ်ထိုင်နေကြပါအုံး .... ကျွန်တော်က ထဆိုမှ ထကြပါ ....””
          သူကြီးတစ်ယောက်ထဲ မိုက်တစ်လုံးနဲ့ သောင်းကျန်းနေတဲ့အချိန်မှာပဲ လူပျိုခေါင်း ကိုမိုးမြင့်ထွဋ်ခေါင်တို့ ကိုဘုန်းဝေတို့က ရတုရှိုးတိုက်ဖို့ ပြင်နေကြပါတယ်။ ဒါကို မေကိုက သိတော့ ဆန်းစုနိုင်ဆီလာပြီး
           ““ကိုကိုရယ် ကိုကိုရယ် ..... မေကိုလဲ သီချင်းဆိုချင်တယ် .... လုပ်ပေးပါနော်””
           ““ဟဲ့ ဒါက မြန်မာ့ရိုးရာ ရှိုးလိုက်ရတုဆိုကြမှာ နင်ဆိုနေတဲ့ အရူးကြော်ငြာသီချင်းမျိုး ဆိုလို့မရဘူး ( ရူးခဲ့တာလား အချစ်ကို ဟိုအရင်လို နင်မရှိဘူး ငါ့မှာတော့ ယောင်ချာချာ တစ်ယောက်ထဲရူး - သူဆိုနေကျ သူ့အိမ်သွားနားထောင်နော်)””ဆိုတော့
           ““လုပ်ပါကိုကိုရယ် .... သူတို့ရှိုးရင် မေကိုလဲ ရှိုးမယ် .... သူတို့ လိုက်ရင် မေကိုလဲ လိုက်မယ်”” (အားရအောင် ခေါ်ခိုင်းထားမှ ဟွန်း .... င့ါကို အရက်သမားလို့ ပြောထားတာ) အတင်းကို ဖလန်းဖလန်းဖြစ်နေတော့ ကျွန်တော်လဲ အော် ဒီကလေးမ သနားစရာကောင်းပါတယ်လေ။ သူ့ခမျာ တစ်နေ့မှာ ရှစ်နာရီရူးနေတာဆိုတော့ ရှိုးလိုက်အဖွဲ့ထဲ ထည့်ပေးလိုက်ပါတယ်။
ခက်ထန်မုန်းက ရွာထဲက သူဌေးသမီးတွေကို ကွမ်းတောင်တွေ ပန်းတောင်တွေ ပေးနေပါတယ်။ အဲဒီနားမှာ မယောင်မလည်နဲ့ ရပ်နေတဲ့ တရွာလုံးမှာ အချောဆုံးဆိုတဲ့ ရွာထိပ်က အကြော်သည်မကြီးသမီး ညလေညှင်းကိုကျတော့ မပေးဘူး။
          ““ဟဲ့ တန်ခူးလာလာ ဒီမှာ ကွမ်းတောင်လာကိုင် ....””
ဆိုပြီး ခေါ်ပေးနေတယ်။ သံဃာစင်ရှေ့က ရှင်လောင်းတွေနေရာက ကြည့်နေတဲ့ မောင်ရှင်လောင်း လင်းလက်ကြယ်က အားလုံးကို ကျီးကန်းတောင်းမှောက် လိုက်ကြည့်နေတယ်။ မဏ္ဍပ်ကြီးကလဲ ခမ်းနားလိုက်တာ။ သံဃာစင်ပေါ်မှာ မှိုင်းလုံးကော်ဇောကြီးတွေခင်းလို့။ ပွတ်လုံးပုံတွေ ရာဇမတ်ပုံတွေနဲ့ ကြည့်လို့ကောင်းလိုက်တာ။ မဏ္ဍပ်တိုင်တွေမှာလဲ ရွှေဓူဝံတို့ ပြင်ဆင်ထားလို့ ဖြူနီညိုပြာ စက္ကူကာလာတွေ ကပ်လို့။ အလို ဟိုမှာဘာပါလိမ့်။ မိုးရွာမှာစိုးလို့ အဘိုးထူးအောင် ပြင်ထားတဲ့ ရှင်ဥပဂုတ်ပွဲပါလား။ ပွဲထဲမှာက ငါးရာတန်တစ်ရွက်ကိုတော့ ဆယ်အိမ်ခေါင်း ကိုဓူဝံက ချောင်းနေလေရဲ့။    ခက်ထန်မုန်းတို့ဘက်လှည့်ကြည့်တော့ သနပ်ခါး ပါးကွက်ကျားလေးနဲ့ ချစ်စရာပြုံးနေတဲ့ ညလေညင်းလေးကို တွေ့လိုက်တယ်။ ကွမ်းတောင်ကိုင်ချင်လို့ထင်ပါရဲ့။ စိန်ရွှေတွေ မဆင်နိုင်ပေမယ့် ယဉ်လိုက်တဲ့သူငယ်မ။ သူ့ကို ပိုနေတဲ့ကွမ်းတောင်လေး ပေးကိုင်လိုက်ရင် ကောင်းမှာ””
လို့ မောင်ရှင်လောင်း လင်းလက် စိတ်ထဲကနေ တွေးနေပါတယ်။ ခက်ထန်မုန်းကလဲ ပေးစရာလူမရှိတဲ့အဆုံးကျမှ အကြော်သည်မသမီးလေးကို
          ““ရော့ ညည်းကောင်းကောင်းကိုင်ခဲ့၊ လွတ်မကျစေနဲ့””
ဆိုပြီး ပေးလိုက်ပါတယ်။ ဗိုင်းကောင်းကျောက်ဖိ အကြော်သည်မသမီးလေး သံဃာစင်ဘက်ဆီအကြည့်တစ်ချက်ဝင့် လိုက်တော့ မောင်ရှင်လောင်းနဲ့ အကြည့်ချင်းဆုံမိတယ်။ အို .... ရင်ထဲမှာ နွေးလိုက်တာ။ လက်ဖျားမှာတော့ အေးလို့ပါလားကွယ်။ တဂျီးက
           ““ကဲ ထွက်ကြစို့ နေမြင့်ရင်ပူတော့မယ်”” ကိုဒီလူ ဗျောစတော့ ...
ရှင်လောင်းလှည့် ထွက်လာခဲ့ပါပြီ။ အဝေးကမှန်း ဟိုရွာလမ်း ထီးတန်းကြီးကလဲ လှလိုက်တာ။ နေခြည်မှာရွှေရည်ဝင်းလို့ ဆယ်စင်းလဲ မကပါလား။ ကိုမိုးမြင့်တို့ ကာလသားအဖွဲ့ကလဲ
           ““ရတနာမြ ပဏာသ၍ ဂါရ၀ရှိပန်ဆင် .... ဘေးဘယာအများ ... ဝေးကွာရှားအောင် .... ဆယ်ချောင်းရှိဦးတင်၏ ..... ရှိုး .....”” ဆိုတော့ ကျွန်တော်သနားလို့ လွှတ်ပေးထားတဲ့ အရူးမ မမေကိုလေးကလဲ
           ““ဖူးမြင်အခက် ဦးတင်ယှက်၍ ဦးတင်လျက် ရိုသေစွာ ..... အန္တရာယ်မခ ... ရန်စွယ်ပအောင် .... ၀န္ဒနာရှိခိုးပါ၏ .... ရှိုး ....””
ဆိုပြီး အမီလိုက်ပါတယ်။ အမယ် ဒီလိုတော့လဲ ဒီကလေးမ ရသားပါလားဟဆိုပြီး ကိုမိုးမြင့်က တစ်ဆင့်တက်ပါတယ်။
           ““ကေသာအနွဲ့ ... ငွေညှာနွဲ့က ... ကျေပါကွယ့်ပန်းရွှေနွယ် .... နိဗ္ဗာန်စခန်း .... စိတ်ကြံမှန်းကာ ... သင်္ကန်းဝတ်ချင်ပါ၍”” .... ရှိုး ....””
လို့ ထပ်တိုင်တော့ မေကိုလေးက
           ““ဘယ်ဘယ်အကို့ ... ကယ်မယ်လို့ ... မယ်မယ်ပျို့စိတ်မကြည် .... နှစ်ကိုယ်စကား ..... အပျိုနားမှာ .... မောင်ဖွားသ်ိပ်မပလီနှင့် ”” ... ရှိုး ....””
          သူတိုင် ကိုဖောက်နဲ့ ရတုအဖွဲ့ကလည်း မြိုင်ဆိုင်စွာ ဆိုလိုက်တာ မောင်ရှင်လောင်း ရင်မှာ အထိဆုံးကတော့
          ““တစ်လလောက် သာသနာ့ဘောင်မှာ သာသနာ့ဝန်ထမ်းပါရစေ။ အခွင့်ပေးပါနှမရယ်””
          လို့ အဓိပ္ပာယ်ရှိတဲ့ အပိုဒ်မှာပဲ။ ထူပူနေတော့ စာသားကိုလဲ မမှတ်မိတော့ဘူး။ ဒါပေမယ့် မန်းသျှောင်ဗွေနဲ့ မောင်ရှင်လောင်း မျက်နှာညှိုးသွားရှာတယ်။ မြင်းကဏ်ပင် ငြင်းဆန်လိုက်လေသလားမသိ။ ထခုန်တော့မလို ဖြစ်သွားတယ်။ မကြည်တဲ့နှလုံး မပြုံးတဲ့မျက်နှာ ငဲ့စောင်းလို့ ကြည့်တဲ့အခါ တစ်ယောက်သောသူကလေးကလဲ ဒီရတုကို ကြားသည်ထင့်။ သူမကလေးလဲ ဒီရတုကို မကြားချင်ဘူး .... ဘာတဲ့ ... တစ်လတောင် ခွင့်ပေးရမယ်တဲ့ .... ရက်စက်လိုက်တာ ... အဲဒီလောက်တောင် သူက ခွဲနေနိုင်သတဲ့လား ... အင်းပေါ့လေ ... သူက ဂျီတော့မှာ အသစ်မြင်ထားတာကိုး .... ငါ့ကို မေ့နိုင်ပြီပေါ့ ... ရတယ် ... ၀မ်းဂိုးတူးကမ်းပဲ .... ကိုယ့်စိတ်ကို ဘယ်လိုတင်းသော်လဲ ကညာမုံ ကြာငုံညွတ်ဟာဖြင့် ယမ်းယောင်ကာ ကွမ်းတောင်လွတ်တဲ့ပြင် စိုစွတ်တဲ့မြမျက်ရည်တွေ တလည်လည်နဲ့ စိတ်ထဲမှာ ဒေါသချိုချိုလေး ဖြစ်သွားမိတယ်။ အဲဒါကြောင့် မတွယ်တာ ဆယ်ခါလွှတ်မယ်လို့ တစ်ယောက်ထဲ ပြောနေမိပါတယ်။
           အဲဒီအချိန်မှာပဲ လူပျိုကြီး ကိုဝင်းထွန်းဆန်းတစ်ယောက် ရှမ်းဘောင်းဘီအနက်ကြီးဝတ် (စတိုင်ဘောင်းဘီအစားပေါ့) ကိုနှိုင်းမရရဲ့ ဘောလုံးကန်ဖိနပ်ကို ငှားစီးပြီး မျက်နှာမှာလဲ မမော်ဆီက မိတ်ကပ်တွေ ခိုးလူးထားတာ ပြာနှမ်းနေတာပဲ။ ၀င်းဒိုးမတက်လို့ လွှင့်ပစ်ထားတဲ့ လက်တော့ကွန်ပျူတာကို ပွေ့လို့ နားကြပ်ကို တပ်လို့ ကန်တော့ပွဲရွက်တဲ့ အပျိုကြီးတွေနား သွားလိုက်၊ ကွမ်းတောင်ကိုင်တဲ့ အပျိုလေးတွေနား သွားလိုက်နဲ့ အလုပ်ရှုပ်နေရှာပါတယ်။ တန်းစီကြွပါ .... ဘေးကမလိုက်ပါနဲ့လို့ သွားပြောတာကို
          ““ငြိမ်ငြိမ်နေ သီချင်းနားထောင်နေတယ်””
ဆိုပြီး ပြန်အော်လိုက်သေးတယ်။ ကိုနှောင်းမိုးဖိနပ်နဲ့ သူနဲ့ မတော်တော့ လမ်းတစ်ဝက်တင်ပဲဖိနပ်ပေါက်ပြီးထောက်ြ ကြွထောက်ကြွ ဖြစ်နေတဲ့အထဲ အပျိုကြီးတစ်ယောက်ကို ငမ်းလိုက်တာ ခလုတ်တိုက် လဲပါလေရော ...။
ဒီလိုနဲ့ ကျောင်းရောက်လို့ ဆံကေပယ် သင်္ကန်းစီးပြီးတဲ့နေက် ဆရာတော်ရွှေမန်းသားက ရေစက်ချအနုမောဒနာပြုကာ ကမ္တာမြေထု သက်သေပြုလို့ သာဓုသံမြိုင်မြိုင်ခေါ်ပြီး ဖော်အဲဗားရွာအလှူကြီးလဲ အောင်မြင်စွာ ပြီးမြောက်ခဲ့ပါပြီ။ ကိုနှောင်းမိုးတို့ ကိုမိုးမြင့်တို့ ကာလသားအဖွဲ့က
           ““အောင်ပါပြီ .... အောင်ပါပြီ ..... အဓိဋ္ဌာန်ပြီးမြောက်လို့ စိတ်အကြံခရီးပေါက်ကာ .... မင်္ဂလာပွဲတော်ကြီး .... အောင်ပါပြီ ..... အလှူမင်္ဂလာပွဲတော်ကြီး ..... အောင်ပါပြီ””
ဆိုတဲ့သီချင်းသံနဲ့အတူ .... တရွာလုံးရဲ့စိတ်ထဲမှာ နှလုံးဆီထိ ပြုံးပီတိနဲ့ အလှူပွဲကြီး ပြီးဆုံးသွားပါပြီခင်ဗျာ။
-----------------------------------------

ကာလီဒါသ

          တခါက ဗာရာဏသီပြည်မှာ နန္ဒအမည်ရှိတဲ့မင်းကြီးဟာ မင်းကျင့်တရား (၁၀)ပါးနှင့်အညီ အုပ်ချုပ်မင်းလုပ်ခဲ့ပါတယ်။ အဲဒီမင်းကြီးမှာ သားတော်တစ်ပါးထွန်းကားလို့ သားတော်မောင်အရွယ်ရောက်တဲ့အခါ တက္ကသိုလ်ပြည်မှာ ပညာသင်စေခဲ့ပါတယ်။  အဲဒီဗာရာဏသီပြည်မှာပဲ ပညာမဲ့ပြီး ဆင်းရဲလှတဲ့ ရေထမ်းသမား မောင်ကာလီနှင့် ပညာကို အလွန်တန်ဖိုးထားတဲ့ ဘောဂဗလ ဆိုတဲ့ သူဌေးကြီးတစ်ဦးလဲ ရှိခဲ့ပါတယ်။ ဘောဂဗလသူဌေးကြီးမှာ အလွန်တရာချောမောလှပတဲ့ မိတဆိုးသမီးလေးတစ်ယောက်လဲ ရှိပါတယ်။
          မောင်ကာလီဟာ ရေထမ်းသမားဖြစ်ပေမယ့် သူဌေးသမီးနဲ့ နီးစပ်အောင် ကြားဖူးနားဝပညာစကားလေး တစ်ခွန်းတလေနဲ့ သူဌေးကြီးကို အရောတ၀င် လုပ်ခဲ့ပါတယ်။ သူဌေးကြီးရဲ့အိမ်က ရေအိုးမှန်သမျှကိုလဲ အမြဲပြည့်နေအောင် ဖြည့်ပေးပါတယ်။ သူဌေးကြီးဟာ မောင်ကာလီရဲ့ ပြောပုံဆိုပုံနှင့် အလုပ်အကိုင်ကို သဘောကျပြီး တစ်ဦးတည်းသော သမီးကို မောင်ကာလီနှင့် သဘောတူ လက်ထပ်ပေးခဲ့ပါတယ်။
          လက်ထပ်ပြီးတော့ သူဌေးကြီးဟာ မောင်ကာလီကို နိပါတ်တော်ဝတ္ထုတွေကို ဖတ်ခိုင်းတဲ့အခါ စာမဖတ်တတ်သဖြင့် မအားယောင် ဆောင်ခဲ့ပါတယ်။ အဲဒီအခါ သူဌေးကြီးရဲ့သမီးဟာ မောင်ကာလီ စာဖတ်တတ်သလား မဖတ်တတ်သလား သိရှိဖို့ စာတစ်စောင်ရေးပြီး မောင်ကာလီကို ပြသဉာဏ်စမ်းခဲ့ရာ မောင်ကာလီက မိမိဇနီးသည် ပေါက်ကရရေးခြစ်ထားသည်ကို မသိဘဲ ယုတ္တိရှိအောင် ဖွဲ့နွဲ့ဖတ်ပြခဲ့ပါတယ်။ ရေးတာတခြား ဖတ်တာတခြား ဖြစ်နေတော့ သူဌေးသမီးဟာ စာတောင် မဖတ်တတ်တဲ့ မောင်ကာလီရဲ့ ဘ၀မှန်ကို သိသွားပြီး ကြိမ်းမောင်းမာန်မဲလိုက်ပါတယ်။ မောင်ကာလီလဲ ကိုယ့်လိပ်ပြာ ကိုယ်ရှက်ပြီး သူဌေးသမီးအလစ်တွင် အိမ်မှ ထွက်ပြေးပါတော့တယ်။
          ထွက်ပြေးလာရင်း တောအုပ်တစ်ခုတွင် မျက်စိလည် လမ်းမှားနေရာ ယခင်ဘ၀က မိခင်တော်စပ်ခဲ့ဖူးတဲ့ သူရဿတီ နတ်သမီးက လမ်းမှန်ကို ညွှန်ပြပါတယ်။ နတ်သမီးအသံကို ကာလီကြားတဲ့အခါ တပ်မက်စိတ်ဖြစ်ပေါ်လာပြီး ကိုယ်ထင်ပြခိုင်းပါတယ်။ နတ်သမီးက သူ့ကိုမြင်လျှင် ကာလီငရဲကြီးမည်စိုးသဖြင့် မပြလိုကြောင်း ငြင်းပယ်တယ်။ ကာလီက အတင်းတောင်းဆိုသဖြင့် ပြလိုက်တဲ့အခါ
          ``တယ်လှပါလား။ ဒီလိုလှတဲ့သူကလေးနဲ့များ အတူနေလိုက်ရလျှင် ကောင်းမှာပဲ´´
လို့ ပြစ်မှားလိုက်ပါတယ်။ နတ်သမီးက -
          ``သင်သည် ငါ့အား ပြစ်မှားခဲ့မိပြီ။ ဘုန်းကြီးလို့ သက်မရှည်၊ သက်ရှည်လို့ ဘုန်းမကြီး။ ဟဲ့ ... ကျွန်မျိုးဒါသ နင့်နာမည် ယနေ့ကစလို့ ကာလီနဲ့ ဒါသ ပေါင်းပြီး ကာလီဒါသလို့ တွင်ရမည်။ သို့ပေမယ့် အမိတော်ခဲ့ဖူးတဲ့ ကျေးဇူးကြောင့် ပညာမဲ့နေတဲ့ မင်းကိုယ်မှာ ဟောဒီကွမ်းယာကို စားတာနဲ့ ပညာရှိတစ်ဦးဖြစ်လာပြီး ဘုရင်၏ ပညာရှိအမတ်တစ်ဦး ဖြစ်လာမယ်။ နောက်ဆုံးမှာ မင်းဟာ မိန်းမသတ်လို့ သေရမယ့်သူ သွားပေတော့။´´
          ကာလီဒါသဟာ နတ်သမီးရဲ့ ရူပါရုံကို တပ်မက်ပြီး စိတ်နဲ့ ပြစ်မှားခဲ့မိလို့ မယ်တော်က ဒဏ်ခတ်လိုက်ပြီး လွှတ်လိုက်တဲ့အခါ ဗာရာဏသီကိုပဲ ပြန်ရောက်လာပါတယ်။ မြို့တွင်းမှာ လျှောက်သွားရင်း အိမ်တစ်အိမ်မှာ ချစ်စရာကောင်းတဲ့ အမျိုးသမီးလေး တစ်ယောက် တွေ့တဲ့အခါ ချစ်တင်းနှီးနှောမယ်ဆိုပြီး အိမ်ပေါ်တက်သွားပါတယ်။ အမျိုးသမီးလေးကက ပြည့်တန်ဆာမလေးပါ။ ကာလီဒါသဟာအဲဒီပြည့်တန်ဆာမလေးနဲ့ အတည်တကျ ပေါင်းဖော်နေထိုင်ပါတယ်။
          မယ်တော်ကျွေးတဲ့ ကွမ်းယာအစွမ်းကြောင့် ပညာတွေ တတ်လာပြီး သူတစ်ပါးအခက်အခဲတွေကို အလွယ်တကူ ဖြေရှင်းပေးနိုင်ခဲ့ပါတယ်။ ဒီသတင်းက နန်းတော်ထိ ပေါက်လာတဲ့အခါ ဘုရင်က ကာလီဒါသကို ခေါ်ခိုင်းပြီး ပညာရှိအဖြစ် ခန့်အပ်ခဲ့ပါတယ်။
          တခါမှာတော့ မိဖုရားကြီးရဲ့ ရုပ်ပုံကို ပန်းပုဆရာဆီ အပ်နှံတဲ့အခါ ကာလီဒါသ ပညာရှိဟာ ပန်းပုဆရာကို ကြီးကြပ်ညွှန်ပြပေး ပါတယ်။ ပန်းပုဆရာကလဲ ကာလီဒါသ ညွှန်ပြတဲ့အတိုင်း ထုလုပ်ဆက်သလိုက်တဲ့ခဲ့ပါတယ်။ ဘုရင်ကြီးဟာ ရုပ်တုကို မိဖုရားကြီးနဲ့ ယှဉ်တွဲပြီး ကြည့်တဲ့အခါ တသွေမတိမ်းတူနေတဲ့အတွက် ပန်းပုဆရာကို ဆုတောင် လာဘ်တော်များစွာ ပေးခဲ့ပါတယ်။
          ရုပ်တုကို သေချာကြည့်တဲ့အခါ မမြင်အပ်တဲ့နေရာက မှည့်တောင် ပါနေတဲ့အတွက် ပန်းပုဆရာကို မေးတဲ့အခါ ကာလီဒါသ ထည့်ခိုင်းတဲ့အကြောင်း ပန်းပုဆရာက လျှောက်ထားခဲ့ပါတယ်။ ဒါကြောင့် ဘုရင်ကြီးဟာ သူ့မိဖုရားရဲ့ မမြင်အပ်တဲ့နေရာက မှည့်ကို သိနေတဲ့ကာလီဒါသကို သတ်စေအမိန့်တော် ချမှတ်ခဲ့ပါတယ်။ အာဏာသားတွေဟာ မသတ်ရက်လို့ ၀ှက်ထားခဲ့ပြီး ဘုရင်ကြီးကိုတော့ သတ်ပြီးတဲ့အကြောင်း လျှောက်ထားခဲ့ပါတယ်။
          တက္ကသိုလ်ပြည်မှ ပြန်လာသော နန္ဒမင်းကြီး၏သားတော် ဥပရာဇာမင်းသားကလေး တောထဲတွင် လမ်းမှားနေလေရာ ၀ံသူတော်နှင့် တွေ့ပြီး ကယ်တင်ထားပါတယ်။ ကျားငစဉ်းလဲက ၀ံသူတော်ရှိရာ သွားပြီး-
          ``အသင်ဝံသူတော် ... နားရွက်တိုကိုလည်း မကယ်နဲ့။ ခြေနှစ်ချောင်းကိုလဲ မကယ်နဲ့လို့ စကားပုံရှိတယ်။ ဒီလူမင်းသားရဲ့ အသားကို ကျုပ်စားရန် ပေးပါ´´
လို့ သွားပြောတယ်။ ၀ံသူတော်က မပေးဘဲ မင်းသားကလေးကို ကျားငစဉ်းလဲ၏ရန်မှ ဝေးရန် သစ်ပင်ပေါ်တက်၍ သူ့၏ပေါင်ပေါ်မှာ သိပ်ထားလိုက် တယ်။ ညဘက်ရောက်တဲ့အခါ ကျားငစဉ်းလဲက နောက်တစ်ခေါက် ထပ်လာပြီး-
          ``အသင်မင်းသား ...။ ဒီဝံကြီးဟာ ၀ံသူတော်မဟုတ်။ ၀ံယုတ်မာကြီး ဖြစ်တယ်။ မင်းသားလေးကို ကယ်ဆယ်တယ်ဆိုတာ အလကား ပြောတာ။ မနက်ကျရင် သင့်ကို စားလိမ့်မယ်။ အဲဒါကြောင့် အောက်ကို တွန်းချလိုက်ပါ´´
လို့ လာပြောတယ်။ မင်းသားလေးလဲ ကျားငစဉ်းလဲစကားကို နားယောင်ပြီး သူ့ကို ကယ်တင်ထားတဲ ၀ံသူတော်ကို တွန်းချလိုက်ပါတယ်။ ၀ံသူတော်က သစ်ကိုင်းကို ခြေထောက်နဲ့ ဆွဲချိတ်ထားတဲ့အတွက် အောက်ကို ပြုတ်မကျခဲ့ပါဘူး။ ၀ံသူတော်က မင်းသားလေးကို
          ``အသင်မင်းသားတွန်းချပေမယ့် ကျွန်ုပ် အောက်မကျပါ။ အသင်မင်းသားဟာ ကျေးဇူးရှင်ကို ပြစ်မှားတဲ့ (သသေနိယ)ပဲ။ ဒါပေမယ့် ကျုပ်က ဂလဲ့စားမချေလိုပါ။ ဟောဒီလမ်းအတိုင်းသွားလျှင် သင်သွားလိုတဲ့ ဗာရာဏသီကို ရောက်ပါလိမ့်မယ် ...။ ကဲ ... သွားပေတော့´´
လို့ ပြောပြီး လွှတ်လိုက်ပါတယ်။
          မင်းသားလေးဟာ ကျေးဇူးရှင်ကို ပြစ်မှားမိတဲ့အတွက် စကားမပြောနိုင်တော့ဘဲ သသေနိယ ဆိုတဲ့ လေးလုံးကိုသာ ဆိုနေပါတော့တယ်။ မင်းသားလေးဟာ သူ့တပည့်တွေကိုလဲ မမှတ်မိတော့ဘဲ ကလိုက် ခုန်လိုက် ပြေးလွှားလိုက်နှင့် နန်းတော်ကြီးဆီ ဆိုက်ဆိုက် မြိုက်မြိုက် ရောက်သွားပါတယ်။ ခမည်းတော် မယ်တော်တို့ဟာ သားတော်လေးရဲ့ ဖြစ်ပျက်နေပုံကို ကြည့်ပြီး စိတ်မသက်မသာ ဖြစ်နေကြပါတယ်။ အမတ်ကြီးတွေက ဒီရောဂါမျိုးကို ကာလီဒါသဆရာသာ ရှိလျှင် ပျောက်အောင် ကုနိုင်မှာပဲဟု လျှောက်ထားကြရာ ဘုရင်ကြီးလဲ နောင်တနေမိသွားပါတယ်။
          ဘုရင်ကြီး နောင်တစိတ်ဖြစ်နေစဉ်မှာပင် အမတ်တစ်ဦးက ကာလီဒါသအား ခေါ်ဆောင်၍ မင်းသားလေးအခြေအနေကို ပြရာ
          ``လူဝံရုပ်ကို ရှိခိုးလျှင် ပျောက်ကင်းနိုင်ကြောင်း´´ ပြောသဖြင့် ချက်ချင်းပင် လူဝံရုပ်ကို ပြုလုပ်စေပြီး ရှိခိုးစေရာ ပျောက်ကင်း သွားပါတယ်။ ကာလီဒါသကို ကျေးဇူးလဲ တင်သွားကြပါတယ်။ ကာလီဒါသကို မသတ်ဘဲ ကွယ်ဝှက်ထားတဲ့ အမတ်ကြီးတွေ ကိုလဲ ကျေးဇူးတင်သွားကြပါတယ်။
          တစ်နေ့မှာ ဘုရင်ကြီးဟာ မင်္ဂလာကန်တော်ကို ကြည့်နေတုန်း လေမတိုက် ဘာမတိုက်နဲ့ ကြာဖူးနှစ်ဖူးထဲ ထူးထူးခြားခြားကွက်ပြီး လှုပ်နေတာ မြင်ပါတယ်။ ဒီအခြင်းအရာကို ဖြေဆိုနိုင်မယ့်သူကို မောင်းခတ်ကြေငြာစေပါတယ်။ ဖြေဆိုနိုင်မယ်ဆိုလျှင် မိန်းမဆိုပါက မိဖုရားအရာ မြှောက်တင်မယ်။ ယောက်ျားဆိုပါက အိမ်ရှေ့အရာ အပ်နှင်းမယ်။ ဘုန်းကြီဖြစ်လျှင် ရွှေကျောင်းဆောက်လှူမယ် ဆိုပြီး ကြော်ငြာစေပါတယ်။
          ကာလီဒါသတယောက် ချစ်ဇနီးလေးနဲ့ ကြည်နူးပြီး အိပ်ပျော်နေခိုက် မောင်းခတ်တဲ့အဖွဲ့ဟာ အနားကို ရောက်လာပါတယ်။ သူ့ဇနီးပြည့်တန်ဆာမလေးဟာ မိဖုရားကြီးဖြစ်ချင်တာကြောင့် ကာလီဒါသကို နှိုးပြီး မေးမြန်းခဲ့ပါတယ်။ ကာလီဒါသက အခြေအနေကို သုံးသပ်ဆင်ခြင်ပြီး-
          ``ကြာဖူးတို့ရဲ့သဘာဝဟာ နံနက်စောစောဆို ပွင့်တယ်။ နေထွက်လာလျှင် ငုံသွားတတ်တယ်။ အဲဒီအခါ ပွင့်နေတဲ့အချိန်မှာ ၀င်နေတဲ့ ပိတုန်းတွေဟာ ကြာဖူးပြန်ငုံသွားတဲ့အခါ ပြန်ထွက်လို့ မရလို့ ရုန်းကန်နေကြတာကြောင့် ကြာဖူးတွေ လှုပ်ရတာဖြစ်ပါတယ်´´
လို့ ဖြေပါတယ်။ ကာလီဒါသရဲ့ဇနီးက အဲဒီစကားကို မှတ်ထားလိုက်ပါတယ်။ ပြီးတော့ ကာလီဒါသ အိပ်ပျော်နေတဲ့အချိန်မှာ ကတ်ကြေးနဲ့ ထိုးသတ်ပြီး ကျကျနနခြယ်သ၀တ်ဆင်ကာ နန်းတော်ရှိရာ လာခဲ့ပါတယ်။
          ကြာဖူးဖြစ်ပုံအလုံးစုံကို လျှောက်ထားလို့ စုံစမ်းတဲ့အခါ မှန်နေတာကို တွေ့ရပါတယ်။ မှန်ပင် မှန်သော်လည်း မိန်းကလေးရဲ့ ရုပ်လက္ခဏာက ဒီလို ပြဿနာမျိုးတွေကို ဖြေနိုင်မယ့် လက္ခဏာမျိုးမရှိလို့ စစ်ဆေးတဲ့အခါ မိဖုရားဖြစ်လိုစိတ်နဲ့ လင်ယောက်ျားဖြစ်သူ ကာလီဒါသကို မေးပြီး အဖြေမှန်ရတဲ့အခါ လင်ယောက်ျားကို သတ်ခဲ့တာ ပေါ်လွင်ခဲ့ပါတယ်။
          ဒါကြောင့် လင်ယောက်ျားကို ပြစ်မှားတဲ့ အဲဒီအမျိုးသမီးကို မသေမချင်း ဓားနဲ့ ထိုသတ်စေလို့ အမိန့်တော် ချမှတ်ခဲ့ပါတယ်။
          အိန္ဒိယရဲ့ နာမည်ကျော်ဒဏ္ဍာရီဝတ္ထုလေးပါ။ ကျေးဇူးရှင်ကို ပြစ်မှားမိလျှင် ပညာဥစ္စာဘယ်လောက်ပင် ကြီးမားသော်လည်း ကံတရားရဲ့ တန်ပြန်ဒဏ်ခတ်ခြင်းကို ခံရတတ်ကြောင်း သင်ခန်းစာ ယူစရာ ကောင်းလှပါကြောင်း အကျဉ်းချုပ်၍ ဘာသာပြန် တင်ပြလိုက်ပါတယ်။